Memleket basshysynyń Ulttyq Quryltaıdyń alǵashqy otyrysyndaǵy tapsyrmasyna sáıkes, Ulytaý aýdanyndaǵy Áýlıetaýdyń eteginde ashylǵan alańnyń jalpy aýmaǵy úsh gektardy quraıdy. QR Konstıtýııasy kúniniń qarsańynda el ıgiligine berilgen nysanda bıiktigi 22 metr bolatyn Memlekettik Tý, tuǵyrtasta Eltańba, Ánuran beınelense, «Táýelsiz Qazaqstan», «Qazaq handyǵy», «Túrik Qaǵanaty», «Altyn Orda» barelefti qabyrǵalary, 99 rýdyń belgisi qashalǵan «Tańbaly tas» ornatylǵan.
Ashylý saltanatyna qatysqan Ulytaý oblysynyń ákimi Berik Ábdiǵalıuly alańnyń ult deńgeıindegi mańyzyna toqtaldy.
«Ózderińiz biletindeı, 2022 jyly Ulttyq Quryltaıdyń alǵashqy otyrysy bizdiń oblysta ótti, alqaly jıynda El Prezıdenti qasıetti óńirdegi arnaıy orynda kók baıraǵymyzdyń jelbirep turýyn tapsyrǵan bolatyn. Mańyzdy jobanyń qurylysy byltyr kúzde bastalyp, udaıy qadaǵalaýda boldy. Búgin mine, mereke qarsańynda ashylyp otyr. Rámizder alańy urpaq qaster tutatyn orynǵa aınalsyn»-dedi óńir basshysy óz sózinde.
Aıta keteıik, Rámizder alańynyń skýlptory - elimizge belgili sýretshi-monýmentshi Ǵazız Eshkenov. Joba avtorynyń aıtýynsha, bul - «Tańbaly tas» ornatylǵan elimizdegi tuńǵysh alań.
