Nysan qurylysy eskek esýshi sportshylardy qoldaý baǵytynda qolǵa alyndy. Ulytaý oblysynyń ákimi Berik Ábdiǵalıuly salynyp bolǵan soń bazanyń qys mezgilinde shańǵy sportyn damytýǵa da qoldanylatynyn jetkizdi.
«Sport bazasynyń zaldaryn bólýde shańǵy sporty sekııalaryn damytý tusyn eskerińizder. Nysan bir mezgil ǵana emes, qysta da jumys isteýi qajet»-dedi óńir basshysy óz sózinde.
Aıta keteıik, sporttyń bul túrinen jerlesterimiz bıik belesterdi baǵyndyrýda. Maýsymnyń 14-16 aralyǵynda Taılandta ótip jatqan Azııa chempıonatynda jerlesterimiz Malıka Týrsyn, Vıktorııa Faloleeva kúmis jáne qola medaldaryna qol jetkizdi.
Nysanǵa keler bolsaq, korpýs qos qabatty bolady. Birinshi qabatynda oıyn zaly, kúzet bólimi, medıınalyq pýnkt, qoıma, jylý toraby, jattyǵýshylar men jattyqtyrýshylardyń jýyný-kıný bólmesi, shańǵyshylardyń kıim aýystyrýǵa arnalǵan oryndary josparlanǵan.
Ekinshi qabatta jattyǵý zaly, qabyldaý bólmesi, májilis zaly, eskek esý sport túrleriniń jattyqtyrýshylary zaly, ákimshilik, býhgalterııa, jýyný-kıiný bólmeleri bolmaq.
Nysanǵa bólingen aýmaq - 4 jarym gektardan astam. Qoldanysqa berilý ýaqyty 2025 jyldyń sońyna josparlanǵan.
