Májilis depýtaty Dáýlet Muqaev Óskemendegi jarnamany synady, dep habarlaıdy "Adyrna" ulttyq portaly.
Óskemen qalasynda ilingen sátsiz jarnamany jelidegi paraqshasyna júktegen depýtat mınıstrlikten shara qoldanýdy surady.
«Syrany búginimiz ben erteńimiz jarqyn bolýy úshin qaınatamyz» degen jarnamany qarańyzshy. Eldi dúr silkintken Talǵardaǵy 16 jastaǵy Sherzattyń ólimi dál osy bir shólmek syradan bolyp otyrǵan joq pa?! Qaıdaǵy jarqyn ómir, búginimiz qorqynyshqa, erteńimiz belgisizdikke toly bolsa?! Mádenıet jáne aqparat mınıstrligi men Shyǵys Qazaqstan oblysy ákimdiginiń nazaryna! Mynadaı jarnamaǵa jol berilmeýi kerek. Qaı zamannan beri syra qaınatý bizge jarqyn ómir syılaǵan? Kerisinshe, ómirmen qoshtasyp jatqandar jeterlik. Bul jarnama Óskemen qalasyndaǵy Ótepov kóshesi, 27-úıde ilingen. Shuǵyl shara qoldanýdy suraımyn, – dedi depýtat Dáýlet Muqaev.
