Qola músin Kórkemóner galereıasynyń aýlasyna qoıyldy. Sýretshiniń 120 jyldyǵyna arnalǵan bul mereke eskertkishtiń shymyldyǵyn túsirip, aldyna gúl shoqtaryn qoıýdan bastaldy.

Mereıtoılyq sharalarǵa Jetisý oblysynyń ákimi Beıbit Isabaev, memleket jáne qoǵam qaıratkerleri Myrzataı Joldasbekov, Qýanysh Sultanov, Qazaqstannyń Halyq jazýshysy Beksultan Nurjekeev, kórnekti qylqalam sheberiniń qyzy Gúldarııa Qasteeva, Qazaqstan Sýretshiler odaǵynyń basqarma tóraǵasy Ómirbek Jubanııazov, zııaly qaýym ókilderi, jalpy oblys jurtshylyǵy qatysty.

Quttyqtaý sóz alǵan Jetisý oblysynyń ákimi Beıbit Isabaev mereıtoılyq sharalardyń mán-mańyzyna toqtaldy:

- Jetisý – qashanda qasıetti ónerdiń kıeli besigi bolǵan ólke. Osy óńirdiń tól perzentteriniń biri de biregeıi Ábilhan atamyz – qazaq halqynyń kásipqoı kórkemsýret óneriniń tuma bastaýy, tuńǵysh sýretshisi. Ol sýret ónerinde qarapaıym ómir fılosofııasyna,  ulttyq dúnıetanymǵa arqa súıedi, sol arqyly týǵan halqynyń tarıhy men ómir saltyn beınelep berdi. Ómir qysqa bolǵanmen, óner máńgilik. Qansha ǵasyr ótse de, Ábilhan Qasteevtiń esimi tarıhta altyn áriptermen jazylyp, sýretshiniń baı murasy eldiń asyl qazynasy retinde urpaqtan urpaqqa jete beretini sózsiz, - degen B. Isabaev eskertkishtegi sýretshi beınesin jetkizý ıdeıasynyń avtory kórnekti ǵalym Myrzataı Joldasbekovke, músinshiler Rınat Abenov pen Erbol Zııabekovke jetisýlyqtardyń atynan shynaıy rızashylyǵyn bildirdi.

Munan soń sóz alǵan kórnekti memleket jáne qoǵam qaıratkeri, Ulttyq ǵylym akademııasynyń  akademıgi Myrzataı Joldasbekov:

- Ábilhan Qasteevpen etene aralaspasam da tirisinde kózin kórdim. Qoı aýzynan shóp almaıtyn momyn kisiniń tula boıynda saf talanttyń tunyp jatqany tańqalarlyq. Ol - qazaqtyń rýhyn kótergen, qazaqty álemge tanytqan azamat. Biz mundaı uly óner ıelerin qasterleýimiz kerek. Sonda ǵana berekeli el bolamyz. Ábilhan aǵa eshqashan ólmeıdi, halyqtyń kókeıinde jarqyrap qala beredi, - dedi.

Sol sııaqty memleket jáne qoǵam qaıratkeri Qýanysh Sultanov, Qazaqstan Sýretshiler odaǵynyń basqarma tóraǵasy Ómirbek Jubanııazov, kórnekti sýretshiniń qyzy Gúldarııa Qasteeva da kópshilikke arnap merekelik lebizin bildirdi.

Bul rette jýrnalıstermen tildesken Ábilhan Qasteevtiń nemeresi Saýran Qasteev atasynyń jolyn qýyp, kórkemsýret ónerin tańdaǵanyn aıtady.

- Biz kishkentaıymyzdan atamyzdyń barlyq kartınalaryn kórip-bilip óstik. Sonyń ishinde maǵan akvarelmen salǵan taýlardyń kartınasy keremet unaıtyn. Óse kele sýretshilik ónerge bet burdym. Qazir keskindeme, grafıka, ıllıýstraııa baǵyttarynda jumys jasaımyn. Ábilhan atamyzdyń eńbegi baǵalanyp, halyqtyń qurmetine bólenip jatqany - biz úshin maqtanysh, - deıdi Saýran Qasteev. 

Eskertkishtiń ashylýynan keıin qonaqtar Kórkemóner galereıasynyń ishinde Á.Qasteevtiń 120 jyldyǵyna arnalǵan ekspozıııalyq kórmeni tamashalap, sýretshiniń 9 kartınasynyń tupnusqasyn kórdi.

Budan ári mereıtoılyq jıyn I. Jansúgirov atyndaǵy Mádenıet saraıynda «Tuǵyry bıik taý tulǵa» atty respýblıkalyq konferenııamen jalǵasty. Konferenııaǵa jınalǵan qaýymdy oblys ákimi Beıbit Isabaev quttyqtady. Basqosýda Qazaqstannyń Halyq jazýshysy Beksultan Nurjekeuly, Qazaqstan Sýretshiler odaǵynyń músheleri jáne Qazaqstannyń eńbek sińirgen qaıratkerleri Mahambet Seısenhan, Januzaq Músápir, ónertanýshy Áıgerim Espenova, Á.Qasteev mýzeı-úıiniń jetekshisi, qasteevtanýshy, Qazaqstannyń eńbek sińirgen qaıratkeri Erkin Nurazhan, Á. Qasteev atyndaǵy memlekettik óner mýzeıiniń dırektory Gúlaıym Jumabekova baıandama jasap, Halyq sýretshisiniń eńbekterindegi etnografııalyq baǵyttarǵa toqtaldy, onyń búgingi sýret óneriniń damýyna tıgizgen yqpaly týraly sóz qozǵady.

Sondaı-aq sahna tórinde mereıtoıǵa arnap shyǵarylǵan qylqalam sheberiniń ómiri men óner jolyna qatysty «Ábilhan Qasteev», «Ómir mektebi» kitaptarynyń tusaýy kesildi.

Atap ótsek, erteń Qasteevtiń týǵan jeri Panfılov aýdany Shejin aýylynda sýretshilerdiń respýblıkalyq pleneri bastalady. Oǵan elimizdiń 20-ǵa jýyq kásibı sýretshisi qatysady. Plener 10 qazanǵa deıin jalǵasyp, shara Jarkent qalasyndaǵy Kórkemóner galereıasynda qatysýshylardyń eńbekteriniń kórmesimen qorytyndylanady.

Jetisý oblysy ákiminiń baspasóz qyzmeti.

Sýretterdi túsirgen: Jeńis Ysqabaı