Álemge tanymal ánshi Dımash Qudaıbergen Dinder sezinde izgi nıet elshisi atandy. Bul týraly Astanada ótip jatqan Álemdik jáne dástúrli dinder lıderleri sezi Hatshylyǵynyń otyrysynda aıtyldy, dep habarlaıdy “Adyrna” ulttyq portaly.
Sezde Izgi nıet elshileri ınstıtýty quryldy jáne elshileriniń esimi belgili boldy.
Rýhanı dıplomatııa múmkindikterin damytýǵa járdemdesý úshin Álemdik jáne dástúrli dinder lıderleri Seziniń izgi nıet elshileriniń mártebesi týraly ereje qabyldanyp, osy laýazymǵa joǵary tulǵalar taǵaıyndaldy.
Olardyń qatarynda otandyq Dımash Qudaıbergen, Vetnam býddıstik sanghanyń Bas hatshysy, Atqarýshy keńes tóraǵasynyń orynbasary Thıt Dyk Thıen, Ierýsalımniń jáne búkil Palestınanyń Patrıarhy III Teofıl, Musylman aqsaqaldar keńesiniń Bas hatshysy Muhammed Abdelsalam jáne Anglıkan qaýymdastyǵy Bas hatshysynyń orynbasary Djo Beılı Ýells bar.
