Prezıdent ákimshiliginiń jáne aýdandyq máslıhat depýtattarynyń kelisimi boıynsha Erlan Qusaıyn Qaraǵandy oblysyndaǵy Buqar jyraý aýdanynyń ákimi bolyp taǵaıyndaldy, dep habarlaıdy «Adyrna» tilshisi.
Buǵan deıin ol Qaraǵandy oblysy ákiminiń orynbasary qyzmetin atqarǵan bolatyn.
Erlan Qusaıyn áleýmettik jelidegi paraqshasynda aýdan turǵyndarynyń birqatar ózekti máselesimen tanys ekenin jetkizdi.
«Oblys ákimi Ermaǵanbet Bólekpaev áleýmettik-ekonomıkalyq kórsetkishterdi arttyrý boı̆ynsha birqatar mindetter qoı̆dy. Men aýdan turǵyndarynyń birqatar ózekti máselelerimen tanyspyn. Ókiletti organdarmen birlesip sheshýge jáne halyqtyń ál-aýqatyn jaqsartýǵa bar kúshimdi salamyn. Eń aldymen, maǵan sizderdiń qoldaýlaryńyz qajet. Men sizderdiń usynystaryńyzǵa jáne keri baı̆lanystaryńyzǵa árdaıym ashyqpyn»,—dedi ol.
«Adyrna» ulttyq portaly Erlan Qusaıyndy jańa qyzmetimen quttyqtap, jumysyna sáttilik tileıdi.
