Almatyda «Taza Qazaqstan» baǵdarlamasy jáne jańa kóriktendirý erejesi aıasynda qalalyq nysandardy tólqujattaý bastaldy. Tólqujattaýdyń negizgi mindeti – kásipkerlerge irgeles aýmaqtardy kóriktendirý boıynsha jaýapkershilik shegin anyqtaý. Almatynyń kommýnaldyq ınfraqurylymdy damytý basqarmasynyń málimetinshe, barlyǵy 5 590 kásipkerlik nysandy tólqujattaý qajet. Qazir myńǵa jýyq kásipker tólqujatqa qol qoıdy. Tólqujattaý jumystary kelesi jyldyń sáýir aıynda aıaqtalady.
Árbir bıznes sýbektisi kóriktendirý tólqujatyn alýǵa jáne irgeles aýmaqty tıisti jaǵdaıda ustaýǵa mindetti. Bul menshik nysanyna qaramastan barlyq qatysýshy úshin jaýapkershilik júkteıdi.
Aýmaqqa jaýapty sýbektilerge jeke jáne zańdy tulǵalar, PIK, MIB, QS, sondaı-aq ǵımarattardyń menshik ıeleri jáne jerdi ýaqytsha nemese turaqty paıdalaný quqyǵy bar tulǵalar jatady.
Tólqujat kásipkerlerdiń irgeles aýmaqtardy jáne nysandardyń qasbetin tıisti jaǵdaıda ustaý máselesindegi áleýmettik jaýapkershilikti arttyrady.
Ǵımarattardyń jáne qurylystardyń ıeleri qasbetterdiń ýaqtyly jóndelýi men syrlanýyna, olardyń tıisti kútip ustaý men paıdalanylýyn qamtamasyz etýge mindetti Sondaı-aq, qasbetterdegi eskertkish taqtalardy, kóshe kórsetkishterin (tuıyq kósheler men alańdardy qosqanda), nómirlik belgilerdi, mańdaıshalardy jáne aqparattyq taqtalardy taza ári jaramdy jaǵdaıda ustaýǵa tıis.
Taǵy bir mańyzdy nárse – qys kezinde ǵımarattar men qurylystardyń ıeleri qar men muzdy shatyrdan tazartý jumystary bastalǵanǵa deıin turǵyn jáne turǵyn emes ǵımarattardyń ıelerin 24 saǵat buryn habardar etýge mindetti.
Saýda uıymdarynan kommýnaldyq qaldyqty atalǵan nysandardyń menshik ıesi nemese QR zańnamasyna sáıkes, qaldyq shyǵarý qyzmetimen aınalysatyn uıymmen jasalǵan shart negizinde shyǵarylady.
Jóndeý jumystary kezinde paıda bolǵan qaldyqtardy arnaıy belgilengen oryndarǵa sol jumysty júrgizgen tulǵalar ózderi shyǵarady. Jóndeý kezinde shyqqan qaldyqtardy ýaqytsha qaldyq saqtaý oryndaryna nemese konteıner alańdaryna tastaýǵa tyıym salynady.
Eger qaldyq óndirgen adam óziniń jer teliminde ne ǵımaratynda jaldaý nemese basqa kelisim negizinde óz betimen qaldyqtardy jınamasa, shyǵarmasa jáne kádege jaratpasa, bul mindetter atalǵan jyljymaıtyn múlik nysandarynyń ıelerine júkteledi.
Aýmaqtan tys jerlerge qoqys pen turmystyq qaldyqtardy tógýge jáne óndiris qaldyqtaryn kóshege shyǵarýǵa tyıym salynady.
"Almaty Business Development Company "Almaty qalasynyń bıznesti damytý kompanııasy" JShS Almaty qalasynda ınvestıııalar tartý jáne ınvestorlardy súıemeldeý salasyndaǵy óńirlik uıym bolyp tabylady. Qoldanystaǵy zańnamaǵa sáıkes Kompanııa "bir tereze"qaǵıdaty boıynsha Almaty qalasynda ınvestıııalar tartý jáne ınvestorlardy súıemeldeý salasyndaǵy qyzmetti júzege asyrady. Kompanııa qala ekonomıkasynyń basym salalaryna ınvestıııalar tartady, qarjylandyrýdyń memlekettik jáne óńirlik baǵdarlamalary boıynsha konsýltaııalar beredi, sondaı-aq ınvestıııalyq jobalardy keshendi súıemeldeýdi júzege asyrady.
