«RÝHANI JAŃǴYRÝ» BOIYNShA ÁLI 68 JOBA ISKE ASADY

2306

«Rýhanı jańǵyrý» baǵdarlamasynyń «Týǵan jer» jobasy aıasynda demeýshilik kómek esebinen oblysta 200-den asa nysan paıdalanýǵa berildi. Bul týraly Jambyl oblysy ishki saıasat basqarmasynyń basshysy Daýyl Beısenqulov málimdedi, dep habarlaıdy adyrna.kz ulttyq portalynyń tilshisi.

Daýyl Yntyqbaıulynyń aıtýynsha, jyl basynan beri «Rýhanı jańǵyrý» baǵdarlamasy aıasynda 80-ge tarta joba júzege asyrylǵan. Sondaı-aq ol jyl sońyna deıin taǵy da 68 jobany iske asyrýdy josparlap otyrǵanyn málimdedi.

– Bıylǵy jobalardyń eń aýqymdysy ári biregeıi ortaǵasyrlyq úlgidegi «Shahrıstan» mádenı kesheni bolmaq. Onda úlken kórme zaly, oblystyq tarıhı ólketaný mýzeıi, Rýhanııat ortalyǵy sııaqty nysandar boı kóteredi. Bul jumystardy jyl sońyna deıin aıaqtaý josparda. Naqtyraq aıtsam, Jambyl oblysynyń 80 jyldyq mereıtoıy kezinde paıdalanýǵa beriledi, – deıdi ol.

Jalpy jambyldyq kásipkerler «Týǵan jer» jobasyna belsendi atsalysyp jatyr. Naqtyraq aıtsaq, osy jobanyń arqasynda balabaqsha, sport alańdary men medpýnkt sııaqty birqatar nysandar halyq ıgiligine paıdalanýa berildi. Meenattyq qyzmetti tek kásipkerler ǵana emes, sonymen qatar sportshylar da jasap jatyr. Máselen  Paralımpıada jeńimpazy Zúlfııa Ǵabıdýllına Taraz qalasyndaǵy móltek aýdandardyń birine ámbebap sport keshenin ashyp berdi.

– asyr Bastapqyda birneshe átkenshek pen aýlaǵa oryndyqtar ǵana ornatqym kelgen. Keıin balalarǵa qarap janym ashydy. Oınaıtyn alań joq.  Dop tepse, mańaıdaǵy kólikke tıedi. Aınala shań-tozań. Balalar – bizdiń bolashaǵymyz. Olar sportpen turaqty túrde shuǵyldansa deımin. Sondyqtan da men tapqan tabysymnyń bir bóligin balalarǵa jumsaýdy jón sanadym, –deıdi paralımpıada oıyndarynyń jeńimpazy.

Shaǵyn sport alańshasynda átkenshekterden bólek, eresekterdiń bir mezgil taza aýada tynyǵýyna jaǵdaı jasalǵan.  Sondaı-aq, doıby, shahmat oıyndaryna arnalǵan ústelder de bar.

Zúlfııa Ǵabıdýllınanyń isin qala turǵyny Gúlimhan Ábdirásilqyzy azamattyq dep baǵalap otyr. Óıtkeni, ol mundaı qaırymdy isti on eki múshesi saý azamattardyń ózi jasaı almaıtynyn aıtady. Sondyqtan da Gúlimhan Ábdirásilqyzy chempıonǵa aýla turǵyndary atynan rahmet aıtyp, densaýlyǵy myqty bolýyna tilektestigin jetkizdi.

Qazirgi tańda Jambyl oblysynda kóptegen sport alańshasy ashylyp, onda balalar asyr-salyp oınap júr. Máselen jergilikti meenat Bektóbe aýylyna 7 mıllıon teńgesiniń sport alańshasyn ashyp berdi. Jalpy baǵdarlama qabyldanǵaly 3,9 mıllıard teńgege jýyq qarajatqa 300-den astam joba júzege asyrylǵan.

"Adyrna"

ulttyq portaly

Pikirler