Qaraǵandy oblysynda «AMANAT» partııasynyń qoldaýymen óńirdegi aýyl ákimderiniń forýmy ótti.
130 aýyl ákimderi qatysqan aýqymdy is-sharanyń basty maqsaty – elimizdegi saıası reformalardy júıeli júzege asyrý, aýyl halqyn tolǵandyratyn ózekti máselelerdi ashyq talqylaý jáne ony sheshý joldaryn qarastyrý.
Alqaly jıynda «AMANAT» partııasynyń Hatshysy Erjan Jylqybaev Prezıdent «Jańa jaǵdaıdaǵy Qazaqstan: is-qımyl kezeńi» atty halyqqa Joldaýynda elimizdegi saıası reformalardy jańǵyrtý maqsatynda aýyl ákimderi saılaýyn ótkizý jóninde tapsyrma bergenin jáne bul sheshim el tarıhyndaǵy mańyzdy oqıǵaǵa aınalǵan atap ótti.
«Turǵyndar tuńǵysh ret jergilikti atqarýshy bılik basshysyn tikeleı saılaý múmkindigine ıe boldy. Osylaısha, Qaraǵandy oblysyndaǵy 167 aýyldyq okrýgte 159 aýyl ákimderi saılandy. Onyń ishinde, partııamyzdan usynylǵan 139 (87%) kandıdat jeńiske jetti. Sondyqtan, búgingi forýmda aıtylǵan usynystar men ıdeıalar, tyń bastamalar «AMANAT» partııasy atynan saılanǵan aýyl ákimderiniń tabandy jumysy men kásibı sheberligine jańa serpin beredi degen senimdemin», – dedi ol.
Forým barysynda qatysýshylar memlekettik satyp alý jáne sybaılas jemqorlyqqa qarsy zańnamadaǵy ózgeristerdi talqylady. Turǵyndarmen keri baılanysty tıimdi uıymdastyrýǵa da nazar aýdardy.
«AMANAT partııasynyń oblystyq fılıaly uıymdastyrǵan Forým Prezıdent Qasym-Jomart Toqaevtyń saıası reformalaryn júzege asyrý joldarynyń biri bolyp tabylady. Kezdesý jemisti bolatynyna senimdimin, qatysýshylar ózderiniń kúndelikti jumysynda tabysty paıdalana alatyn jańa bilim men daǵdylarǵa ıe bolady», - dep atap ótti Qaraǵandy oblysynyń ákimi Ermaǵanbet Bólekpaev.
Óz kezeginde, «AMANAT» partııasy Qaraǵandy oblystyq fılıalynyń tóraǵasy Bekzat Altynbekov aýyldyq eldi mekenderdi damytýdyń máni men mańyzyna toqtaldy.
«Aýyl – qazaqtyń altyn besigi. Elge eńbegi sińgen kórnekti tulǵalar da, osynda otyrǵan kópshilik azamattar da aýyldan túlep ushty. Aýyldyń jaı-kúıi – bárimizge ortaq. Onyń aldaǵy kúnderi qaı baǵytta damıtyny sizder men bizge baılanysty. Iaǵnı, biz ishi de, syrty da bútin el bolýymyz kerek. Sondyqtan aýyl ákimine artylatyn jaýapkershilik júgi – árkez aýyr. Aýyl azamattary sizderge aıryqsha úmit artady», – dedi ol.
Osylaısha, forým jumysy plenarlyq sessııa formatynda ótip, 2 bólimnen turdy. Alǵashqy bólimde – partııanyń oblystyq fılıaly, Ortalyq apparaty basshylyǵynyń, Qaraǵandy oblysy ákimi apparatynyń, Memlekettik qyzmet isteri agenttigi Qaraǵandy oblysy boıynsha departamentiniń, QR Prezıdenti janyndaǵy Memlekettik basqarý akademııasy Qaraǵandy oblysy boıynsha fılıalynyń, Májilisi depýtattarynyń, partııanyń aýmaqtyq fılıaldary tóraǵalarynyń, qalalar men aýdandar, aýyldyq okrýgter ákimderiniń qatysýymen plenarlyq otyrys uıymdastyryldy.
Kelesi bólimde – oqytý semınary ótkizildi. Onda ákimder zańnamadaǵy, onyń ishinde memlekettik satyp alý salasyndaǵy ózgerister týraly jan-jaqty aqparat aldy. Memlekettik qyzmet isteri salasyndaǵy trenerler menedjment proesin jetildirý, ımıdj qalyptastyrý boıynsha ádistemelik usynystar berdi. Jalpy, jıyn barysynda bılik tarmaqtarynyń ózara baılanysyn nyǵaıyp, syndarly sheshimder qabyldaý qatysty túrli keńes berildi.
Aıta keteıik, «AMANAT» partııasynyń «Halyqpen birge!» saılaýaldy baǵdarlamasy aıasynda aýyl turǵyndaryna ómir súrýge qolaıly turmys deńgeıi men eńbek jaǵdaıyn jasap, aýyl azamattarynyń sapaly ınfraqurylymǵa, bilimge, medıınaǵa qol jetkizýin qamtamasyz etý kózdelýde. Osy maqsatta – tez salynatyn sport ǵımarattarynyń qurylysyn qamtamasyz etý, aýyldaǵy jas medıına mamanyna kóterme járdemaqyny 100 JTM-ge deıin arttyrý, aýyldaǵy sanıtarııalyq avtokólikterdi jabdyqtaý, aýyl turǵyndarynyń skrınıng tizimin on bir túrge deıin arttyrý baǵytynda júıeli jumys júrgizilýde.
