Batys Qazaqstan oblysynyń eń qart turǵyny Nursulý Toqjanova referendýmda óz daýysyn berdi. 104 jastaǵy qarııa Shyńǵyrlaý aýylynda turady.
Ǵasyrdan asqan Nursulý ájeıdiń ótinishine oraı, №424 referendým ýchaskesiniń músheleri jyljymaly jáshikti onyń úıine alyp bardy. Nursulý ájeı áli de tyń, búgin balalaryn saılaý ýchaskelerine jiberip, ózi nemere-shóberelerin baǵyp qalypty. Qarııa Uly Otan soǵysy kezinde FZÝ-da oqyp, Stalıngrad zavodynda jumys jasaıdy. Keıinnen Shyńǵyrlaý aýdanyndaǵy Qaraqaı eldimekeninde uzaq ýaqyt túıe saýýshy bolyp eńbek etti. Búginde 3 nemere, 11 shóbere súıip otyrǵan baqytty áje. Kópti kórgen keıýananyń endigi armany - eldiń tynyshtyǵy men urpaqtyń amandyǵy.
-Talaı saılaýlarǵa qatysyp júrmin. Daýys berý - árbir eldiń turǵyny úshin mańyzdy. Biz daýys berý arqyly bolashaǵymyzdy tańdaımyz. Búgin men óz tańdaýymdy jasadym. Elimizdiń bolashaǵy, urpaǵymyzdyń bolashaǵy úshin el Prezıdentiniń bastamasyn qoldaımyn,- deıdi qarııa.
