5 qazan - Ūstazdar künı, dep habarlaidy “Adyrna” ūlttyq portaly.
QR Oqu-aǧartu ministrı Ǧani Beisembaev qazaqstandyq ūstazdardy käsıbi merekesımen qūttyqtady.
“Qūrmettı Ūstazdar! Qadırlı ärıptester!
Sızderdı käsıbi merekemız - Ūstazdar künımen şyn jürekten qūttyqtaimyn!
Ūstaz - mamandyq iesı ǧana emes, ol öskeleŋ ūrpaqtyŋ ruhani baǧbany, bolaşaqtyŋ negızın qalauşy ūlt kelbetı. Qazaq halqy qai uaqytta bolmasyn, ūstazdy qūrmetpen törge ozdyrǧan.
«Ūstaz – ūlyq emes, ūly qyzmet» dep batyr Bauyrjan Momyşūly baǧalaǧandai, memlekettıŋ erteŋgı taǧdyryna jauapty ūrpaqty tärbieleude ūstazdarǧa artylǧan amanattyŋ jügı salmaqty. Sebebı, ärbır şäkırttıŋ jüregıne bılımnıŋ şamşyraǧyn jaǧatyn – Ūstaz.
Bügınde oqu-aǧartu jüiesınde 600 myŋǧa juyq pedagog eŋbek etude. Memleket basşysynyŋ qoldauynyŋ arqasynda pedagog mamandyǧynyŋ bedelın arttyru boiynşa orasan zor şaralar jüzege asyryldy. Onyŋ alǧaşqysy da, maŋyzdysy - mūǧalım qauymy köpten kütken «Pedagog märtebesı» turaly zaŋnyŋ qabyldanǧanyna da biyl 5 jyl. Osy uaqyt aralyǧynda mūǧalımderdıŋ ailyǧy ekı esege köterıldı, olar qaǧazbastylyqtan, artyq jüktemeden, öz mındetıne jatpaityn jūmystan bosatyldy, jaŋa yntalandyrular belgılenıp, mümkındıkterge jol aşyldy. Balabaqşa tärbieşılerı men kolledjderge öndırısten tartylǧan oqytuşylardyŋ jalaqysy artuda. Bılım beru ūiymdarynyŋ infraqūrylymynyŋ, materialdyq-tehnikalyq bazasynyŋ joǧarǧy talaptarǧa säikes jaqsaruy men jabdyqtaluyna baǧyttalǧan «Jaily mektep» ūlttyq jobasy memleket tarapynan bılım salasyna soŋǧy jyldarda körsetılgen qamqorlyqtyŋ aiqyn mysaly bola alady. Būl baǧyttaǧy jūmys älı de küşeitılıp, jalǧasuda.
Ūly aǧartuşy Ybyrai Altynsarin «Mūǧalım – mekteptıŋ jüregı» dep beker aitpaǧan. Mekteptıŋ, balanyŋ bolaşaǧy sızderdıŋ qoldaryŋyzda, qūrmettı Ūstazdar!
Sızderdıŋ eŋbekterıŋız – elımızdıŋ jarqyn ärı baqytty bolaşaǧynyŋ negızı. Bız halqymyzdyŋ dästürlerı men qūndylyqtaryna qūrmetpen qarap, qadırleitın sanaly ūrpaq qalyptastyruǧa bar jan-tänımızdı salamyz. Sebebı, bız ärısı - Äl-Farabi, Abai, Y.Altynsarin, A.Baitūrsynūly, M.Jūmabaev, J.Aimauytov sekıldı körnektı oişyldardyŋ, berısı - K.Nūrǧaliev, K.Aitqaliev, K.Bıtıbaeva, R.Nūrtazina, M.Tasova sekıldı eldıŋ qūrmetıne bölengen qairatkerlerdıŋ, Aiagül Mirazova, Alina Soloveva, Alma Şükıjanova ıspettı Eŋbek erlerınıŋ jolyn laiyqty jalǧastyruymyz kerek.
Qūrmettı ūstazdar! Qūrmettı ärıptester! Sızderdı töl merekemızben qūttyqtaimyn! Sızderdıŋ qajyrly eŋbekterıŋız ben öz ısterıŋızge degen adaldyqtaryŋyz üşın şynaiy alǧysymdy bıldıremın. Sızderdıŋ arqalaryŋyzda oquşylarymyz türlı halyqaralyq bılım dodalarynda kök bairaǧymyzdy jeŋıs tūǧyrynan jelbıretıp keledı. Elımızdıŋ öskeleŋ ūrpaǧynyŋ ziiatkerlık äleuetıne küllı älem joǧary baǧa berdı. Tek osy jyldyŋ özınde bızdıŋ oquşylarymyz 58 altyn medal jeŋıp alyp, robototehnikadan älemnıŋ üş dürkın, himiiadan ekı dürkın chempiony atandy. Sızderdıŋ denderıŋızge saulyq, sarqylmas quat, qyzmette tabysty bolyp, abyroi biıgınen körınulerıŋızdı tıleimın!” - dedı ministr öz qūttyqtauynda.
Är jyl saiyn elımızde ūstazdar künı qazan aiynyŋ bırınşı jeksenbısınde atalyp ötıletın.
Ötken jyldan bastap atauly datany toilau älemnıŋ 100-den astam elınde atap ötıletın Düniejüzılık mūǧalımder künımen bır künde toilanady dep bekıtıldı. Älemde mūǧalımder künı alǧaş ret 1994 jyly 5 qazanda atap ötıldı.
Ūqsas jaŋalyqtar
