Ortalyq Azııaǵa sapary aıasynda kreatıvti ekonomıka jónindegi Jahandyq keńestiń (Global Creative Economy Council) sarapshylary qazaqstandyq kreatıvti ındýstrııa ókilderimen birneshe kezdesý men strategııalyq sessııa ótkizdi.
28 qyrkúıekte «Báribaev 36» keńistiginde Brıtan konsýldyǵynyń uıymdastyrýymen jáne Almaty Tourism Bureau qoldaýymen kreatıvti ekonomıka boıynsha konferenııa ótti. 29 qyrkúıekte Markov 44 mekenjaıyndaǵy Almaty Creative kreatıvti habynda hab rezıdentterimen kezdesý uıymdastyryldy.
28 qyrkúıektegi konferenııa memleket, bıznes jáne kreatıvti ındýstrııa ókilderin biriktirip, tájirıbe almasý men ósýdiń múmkindikterin izdestirýge baǵyttalǵan. 13 elden kelgen 15 halyqaralyq sarapshy zertteýin usynyp, álemniń túrli aımaǵynda, sonyń ishinde Afrıka, Azııa jáne Latyn Amerıkasynda kreatıvti ekonomıkany damytýdyń sátti júzege asqan mysaldaryn tilge tıek etti. Kreatıvti ındýstrııadaǵy jańa úrdister men olardy engizýdiń tájirıbelik jaǵyna basa nazar aýdaryldy.
Kingston Creative kompanııasynyń negizin qalaýshy ári atqarýshy dırektory Andrea Dempster Chang kreatıvti klasterlerdi ıntegraııalaý mádenı týrızmniń damýyna qalaı yqpal etetinin aıtyp berdi. Ol týrısterdi mádenı jáne shyǵarmashylyq bastamalar arqyly tartýdyń mańyzdylyǵyn atady. Kreatıvti ekonomıka jónindegi Jahandyq keńestiń múshesi, ınnovaııalar jónindegi sarapshy Djaıradj Mashrý konferenııada mádenıet pen shyǵarmashylyq salasyn damytýǵa arnalǵan negizgi qadamdardy usyndy.
«Bizdiń Almatyǵa saparymyz shabyt berdi. Bolashaqta jergilikti jáne jahandyq kreatıvti ındýstrııany damytatyn seriktestikter úshin úlken áleýetti kórip otyrmyz», - dedi Djaıradj Mashrý.
Óz kezeginde Almaty Tourism Bureau basshysy Kamıla Luqpanova Qazaqstanda kreatıvti ındýstrııany damytýdyń mańyzdylyǵyn atap, týrızmdi ilgeriletýdegi jergilikti kreatorlardyń róline toqtaldy. Onyń aıtýynsha, kreatıvti ındýstrııa týrızmniń ajyramas bóligine aınalyp, aımaqtyń ekonomıkalyq turǵydan ósýi men mádenı jaǵynan almasýyna yqpal etýde.
29 qyrkúıekte halyqaralyq sarapshylar Almaty Creative kreatıvti habynyń jumysymen tanysyp, onyń rezıdentterine ózderiniń halyqaralyq tájirıbesin jetkizip, kreatıvti ekonomıka salasyndaǵy sońǵy úrdisterdi talqylady. Hab rezıdentteri jobasyn usynyp, ıdeıalar almasyp, sheteldik meımandardyń oı-pikirin bildi.
Is-shara ótkizýdegi negizgi maqsat – halyqaralyq baılanysty nyǵaıtý jáne Almatynyń Ortalyq Azııadaǵy kreatıvti ekonomıkanyń ortalyǵy retindegi mártebesin rastaý.
