«Asyl arman» ulttyq dástúr men ónerdi qoldaý» qoǵamdyq birlestigi bıylda aýqymdy jumysty atqarady. Bul týraly qoǵamdyq birlestiktiń jetekshisi Rınat Nuraqbaev málimdedi, dep habarlaıdy adyrna.kz ulttyq portaly.
Rınat Nuraqbaevtyń aıtýynsha, Elbasynyń «Rýhanı jańǵyrý» baǵdarlamasy ulttyq qundylyqtarymyzdy dáriptep, halyqtyń rýhanı mádenıetin damytýda aıryqsha ról atqaryp otyr. Sondaı-aq ol atalǵan baǵdarlama «Asyl arman» qoǵamdyq birlestiginiń jumysyn jandandyra túskenin aıtady.
– 2011 jyldyń tamyz aıynda qurylǵan «Asyl arman» ulttyq dástúr men ónerdi qoldaý» qoǵamdyq birlestigi ulttyq salt-dástúrdi nasıhattaýǵa aıryqsha nazar aýdaryp otyr. Sondyqtan da biz Elbasynyń «Rýhanı jańǵyrý» baǵdarlamasy shyqqanda qatty qýanyp, onyń mán-mańyzyn tereń sezindik. Óıtkeni bizdiń buǵan deıin júrgizgen jumysymyz «Rýhanı jańǵyrý» baǵdarlamasyna tikeleı qatysy bolatyn. Sondyqtan da bıyl biz oblystyq ishki saıasat basqarmasynyń qoldaýymen «Rýhanı jańǵyrý» baǵdarlamasy aıasynda arnaıy jobany iske asyramyz dep otyrmyn. Atalǵan baǵdarlama boıynsha «Jomart júrek» degen atpen Táýelsizdik jyldarynda jetistip, halyqqa paıdasyn tıgizip júrgen azamattardy halyqqa úlgi retinde tanystyramyz, – deıdi ol.
Sondaı-aq Rınat Danııaruly oblys ákimdiginiń bilim basqarmasynyń qoldaýymen qyz balasynyń tárbıesine qatysty jobany júzege asyratynyn tilge tıek etti. Sebebi ol 2011 jyldan beri qyzdardyń ulttyq tárıbıesine arnalǵan «Inabat» klýby jumys jasap, aýqymdy is-sharalardy iske asyrǵanyn aıtady.
– Oblystyq bilim basqarmasynyń qoldaýymen qyz balalalardy ınabattylyq jáne tán saýlyǵyna tárbıeleý máseleleri boıynsha jumys bastap otyrmyz. Biz jospar boıynsha aýdan-aýdandy aralap, kezdesýler uıymdastyramyz. Máselen búgin Jambyl aýdanyna baryp, ondaǵy qyz-kelinshektermen kezdesip qaıttyq. Bizdiń oblystyń Qordaı, Jambyl, Merki aýdandarynda ózge ult ókilderi kóp shoǵyrlanǵan. Olardyń ishinde kámilettik jasqa tolmaı jatyp, nekege turýshylar kezdesip qalyp jatady. Kúrtter men túrikter jáne dúngender ózderiniń salt-dástúri boıynsha erte jastan nekege tura beredi. Biz olarǵa erte nekelesýdiń zııany týraly baıandap, zaıarly ustanymda bolýǵa shaqyramyz. Sondaı-aq qazaqı aýdandarda da ár túrli máseleler týyndap jatatyny jasyryn emes, – deıdi ol.
«Asyl arman» ulttyq dástúr men ónerdi qoldaý» qoǵamdyq birlestigi tárbıeden bólek, bilim alýǵa aıryqsha kóńil bólip júr. Oǵan dálel 2015 jyldan beri oblystyq «Jambyl» telearnasynan kóretilip jatqan «Jas talap» ıntellektýaldyq teleoıy.
– Atalǵan joba arqyly mektep túlekteri M.H.Dýlatı atyndaǵy Taraz Memlekettik Ýnıversıtetiniń 3 grantyn ıemdene alady. Sondaı-aq, «Jas talaptyń» talapty qatysýshylaryna 75 jáne 50 paıyzdyq jeńildikter qarastyrylǵan. Eger tegin granttyń birin alǵan túlek basqa oqý ornyna tústetin bolsa, áý basta rektormen keliskendeı onda ol grant kúımeıdi. Iaǵnı, kelesi úmitkerge beriletin bolady. Alla qalasa aldaǵy jyly taǵy da «Jas talap» ıntellektýaldyq teleoıyny jalǵasyn tabady dep senemin, – deıdi ol.
Rınat Danııaruly birlestik oblys pen qalanyń qoǵamdyq mádenı is-sharalaryna qatysyp, halyqqa kóterińki kóńil-kúı syılaıtynyn aıtady. Sondaı-aq uıym ókilderi qarttar jáne balalar úıi sekildi áleýmettik mekemelerge baryp, qaırymdylyq konert uıymdastyrady.
"ADYRNA"
ulttyq portaly
