Qazaqstan Respýblıkasynyń Prezıdenti janyndaǵy Qazaqstannyń strategııalyq zertteýler ınstıtýtynyń tapsyrysy boıynsha «Demokratııa ınstıtýty» ǴZQ QB 2024 jyldyń 13-26 qyrkúıek aralyǵynda telefon arqyly saýalnama júrgizdi. Saýalnamaǵa 18 jastan asqan 1 200 respondent qatysty. Saýalnamaǵa 17 oblys pen respýblıkalyq mańyzy bar Astana, Almaty jáne Shymkent qalalarynyń respondentteri qatysty.
Jalpy respondentterdiń basym bóligi – 72,9%-y atom elektr stanııasyn salý ıdeıasyn qoldaıdy. «Qazaqstanda AES salý ıdeıasyna kózqarasyńyz qandaı?» degen suraqqa respondentterdiń shamamen úshten ekisi oń kózqaras bildirdi.
Aldynda jarııalanǵan saýalnama qorytyndylarymen salystyrǵanda, bul qazirgi ýaqytta eń joǵary kórsetkish. Birinshi saýalnama qorytyndylarymen salystyrǵanda, AES qurylysyn qoldaýshylardyń úlesi 19,8 paıyzdyq tarmaqqa, ekinshisimen salystyrǵanda 12,7 paıyzdyq tarmaqqa ósti. Aǵymdaǵy úrdisti eskersek, atom elektr stanııasyn qoldaýshylardyń sany saılaý kúnine qaraı odan ári artýy múmkin degen boljam jasaýǵa bolady.
Respondentterdiń 22,3%-y atom elektr stanııasyn salý ıdeıasyna teris kózqaras bildirdi; 4,8%-y jaýap berýge qınaldy.
Telefon arqyly júrgizilgen saýalnama nátıjeleri respondentterdiń 62%-ynyń azamattyq ustanymy bar ekenin jáne referendýmǵa qatysýǵa nıet bildiretinin kórsetedi.
Máselen, «Qazaqstanda atom elektr stanııasynyń (AES) salý máselesi jalpyulttyq referendým arqyly sheshiletin bolady. Siz referendýmǵa qatysýǵa daıynsyz ba?» degen suraqqa 46,3%-y naqty nıet tanytty, 15,7%-y qatysýǵa tyrysamyn dep jaýap berdi.
Osyǵan deıingi saýalnama qorytyndylarymen salystyrǵanda, daýys berýge nıetti respondentterdiń úlesi 59%-dan 62%-ǵa deıin ósti. Respondentterdiń 19,3%-y referendýmǵa qatysýdy kózdemeıdi, 18,7%-y áli sheshim qabyldamaǵan.
Saýalnamany 2024 jyldyń 13-26 qyrkúıek aralyǵynda «Demokratııa ınstıtýty» ǴZQ QB júrgizdi. Zertteýde telefon arqyly suhbat alý ádisi qoldanyldy.
Saýalnamaǵa 17 oblys pen respýblıkalyq mańyzy bar Astana, Almaty jáne Shymkent qalalarynyń 18 jastan asqan respondentteri qatysty. Irikteý kólemi 1 200 respondentti quraıdy. Statıstıkalyq qatelik 2,5%-dan aspaıdy.
