Qazaqstan Respublikasynyŋ Prezidentı janyndaǧy Qazaqstannyŋ strategiialyq zertteuler institutynyŋ tapsyrysy boiynşa «Demokratiia instituty» ǦZQ QB 2024 jyldyŋ 13-26 qyrküiek aralyǧynda telefon arqyly saualnama jürgızdı. Saualnamaǧa 18 jastan asqan 1 200 respondent qatysty. Saualnamaǧa 17 oblys pen respublikalyq maŋyzy bar Astana, Almaty jäne Şymkent qalalarynyŋ respondentterı qatysty.
Jalpy respondentterdıŋ basym bölıgı – 72,9%-y atom elektr stansiiasyn salu ideiasyn qoldaidy. «Qazaqstanda AES salu ideiasyna közqarasyŋyz qandai?» degen sūraqqa respondentterdıŋ şamamen üşten ekısı oŋ közqaras bıldırdı.
Aldynda jariialanǧan saualnama qorytyndylarymen salystyrǧanda, būl qazırgı uaqytta eŋ joǧary körsetkış. Bırınşı saualnama qorytyndylarymen salystyrǧanda, AES qūrylysyn qoldauşylardyŋ ülesı 19,8 paiyzdyq tarmaqqa, ekınşısımen salystyrǧanda 12,7 paiyzdyq tarmaqqa östı. Aǧymdaǧy ürdıstı eskersek, atom elektr stansiiasyn qoldauşylardyŋ sany sailau künıne qarai odan ärı artuy mümkın degen boljam jasauǧa bolady.
Respondentterdıŋ 22,3%-y atom elektr stansiiasyn salu ideiasyna terıs közqaras bıldırdı; 4,8%-y jauap beruge qinaldy.
Telefon arqyly jürgızılgen saualnama nätijelerı respondentterdıŋ 62%-ynyŋ azamattyq ūstanymy bar ekenın jäne referendumǧa qatysuǧa niet bıldıretının körsetedı.
Mäselen, «Qazaqstanda atom elektr stansiiasynyŋ (AES) salu mäselesı jalpyūlttyq referendum arqyly şeşıletın bolady. Sız referendumǧa qatysuǧa daiynsyz ba?» degen sūraqqa 46,3%-y naqty niet tanytty, 15,7%-y qatysuǧa tyrysamyn dep jauap berdı.
Osyǧan deiıngı saualnama qorytyndylarymen salystyrǧanda, dauys beruge niettı respondentterdıŋ ülesı 59%-dan 62%-ǧa deiın östı. Respondentterdıŋ 19,3%-y referendumǧa qatysudy közdemeidı, 18,7%-y älı şeşım qabyldamaǧan.
Saualnamany 2024 jyldyŋ 13-26 qyrküiek aralyǧynda «Demokratiia instituty» ǦZQ QB jürgızdı. Zertteude telefon arqyly sūhbat alu ädısı qoldanyldy.
Saualnamaǧa 17 oblys pen respublikalyq maŋyzy bar Astana, Almaty jäne Şymkent qalalarynyŋ 18 jastan asqan respondentterı qatysty. Irıkteu kölemı 1 200 respondenttı qūraidy. Statistikalyq qatelık 2,5%-dan aspaidy.
