Qaraǵandy qalasynyń eks-ákimi Shaımerden Orazalınovtyń uly 78 jastaǵy anasyn aıaýsyz urǵany úshin sottaldy. Bul týraly Qazybek bı aýdandyq sotynyń baspasóz qyzmeti aıtty, dep habarlaıdy «Adyrna» tilshisi.
Sotqa deıingi tergep-tekserý organdary er adamdy 1946 jyly týǵan anasynyń denesin ádeıi jaraqattap, densaýlyǵyna ortasha aýyrlyqtaǵy zııan keltirgeni úshin jáne dármensiz kúıde qaldyrǵany úshin Qylmystyq kodekstiń 107-baby 2-bóligi 3-tarmaǵy boıynsha aıyp taqty.
Er adam keıýanamen jaljaldasyp, onyń basynan, denesinen uryp tepken. Saldarynan áıeldiń mıy shaıqalyp, beti jaraqattanǵan. Sondaı-aq qabyrǵalary men omyrtqasy synǵan.
Ábil Orazalınovtiń kinási jábirlenýshiniń, kýágerlerdiń (kórshilerdiń) aıǵaqtarymen, saraptamalardyń qorytyndylarymen jáne istiń basqa materıaldarymen dáleldendi.
Sot ony 3 jylǵa sottap, jazasyn qaýipsizdigi ortasha mekemede óteýge úkim shyǵardy. Sonymen qatar sottalýshydan 1 mln teńge kóleminde moraldyq zııan somasy, sondaı-aq advokattarǵa tólengen shyǵyndar óndirildi.
