Táýelsizdiktiń tunyq aýasymen tynys alǵan jyldary Batys Qazaqstan oblysyna qarasty Bórli aýdanynyń ekonomıkasy da ósip-órkendeý jolyna qadam basty. Memleket basshysynyń jyl saıynǵy Qazaqstan halqyna arnalǵan Joldaýlary bolashaǵymyzdyń baǵdarshamyna aınaldy. Atqarylar aýqymdy isterge tyń serpin berdi. Árbir salaǵa arnalǵan memlekettik baǵdarlamalar aıasynda halyq múddesi, ıgiligi úshin óreli ister keńge qanat jaıdy. Alǵa qoıǵan mindetterdi júzege asyrý baǵytynda bıylǵy jyl basynan beri nátıjeli isterdiń júzege asqanyna el kýá.
Búginde aýdanda 19 178 otbasy bar, adam sany 57 868 quraıdy.
Bórli aýdanynyń ákimi Erkebulan Ihsanovtyń aıtýynsha, aǵymdaǵy jyldyń segiz aıynyń qorytyndysy boıynsha aýdan bıýdjeti 14,7 mlrd teńgeni qurady. Búgingi tańda aýdanda aýmaǵynda 91 bıýdjettik joba júzege asýda.
Aýdan ekonomıkasyna jeke ınvestıııalar ósiminiń oń serpini baıqalýda. Ótken jyly 1,8 mlrd teńgege segiz joba aıaqtalyp, iske qosylǵan.
Bórli aýdany boıynsha tirkelgen shaǵyn jáne orta bıznes sýbektileriniń sany – 5136.
Úsh ınvestıııalyq joba júzege asýda
Búginde aýdanda aýylsharýashylyq baǵytynda 465 sharýa qojalyǵy, 22 jaýapkershiligi shekteýli seriktestik jáne 27 aýylsharýashylyǵy óndiristik kooperatıvi tirkeýde. Jyl basynan bastap aýyl sharýashylyǵynyń ónimi 3 mlrd 270 mln teńgeni qurady. Egistik alqaby 63 807 gektardy quraıdy.
Óńirimizdiń agroóndiristik keshenin damytý maqsatynda áleýmettik mańyzy bar úsh ınvestıııalyq joba iske asyrylý satysynda. Erkebulan Nuretdınulynyń málimetinshe, «Dostyq-Qonys» JShS etti mal sharýashylyǵyn damytý baǵytynda asyl tuqymdy maldy ósirý jáne bordaqylaý jónindegi aýyl sharýashylyǵy keshenin salýda. Jobanyń qýattylyǵy – 2 myń bas. Qurylys ótken jyldary bastalyp, 2026 jyly paıdalanýǵa beriledi dep josparlanǵan. Óńirimizdiń agroóndiristik keshenin damytý jobasy aıasynda «Amanat» sharýa qojalyǵyna 1 mlrd 64 mln teńge arzandatylǵan nesıe bólinip, aýylsharýashylyq tehnıkasy, 80 ga. sýarmaly aımaqqa arnalǵan jańbyrlatyp sýarý kesheni, sút fermasynyń qajetti jabdyqtary satyp alynǵan. Sondaı-aq aǵymdaǵy jyldyń aıaǵyna deıin Vengrııa memleketinen golshtın surypty 408 bas asyl tuqymdy malyn satyp alady. Búginde 630 bas sıyrǵa arnalǵan eki qora jáne sıyr saýý orny, sút blogy jáne sút salqyndatqyshtary bar. «Amanat» sharýa qojalyǵy 2025 jyly qosymsha qýattylyǵy 80 ga. jańbyrlatyp sýarý keshenin satyp alýdy josparlaýda. Nátıjesinde, kúnine 8800 lıtr sút óndirý arqyly aýdan jáne oblys turǵyndaryna sapaly ónim usynatyn bolady.
«Jarsýat» JShS-nyń 950 gektar sýarmaly jeri bar, búgingi tańda 222 gektary ıgerilip otyr, onyń ishinde 128 gektarǵa kartop, 84,5 gektarǵa kókónis jáne 9,5 gektarǵa baqsha daqyldary egilgen. 2025 jyly úsh jańbyrlatyp sýarý keshenin satyp alýdy josparlap otyr. Sýarmaly alqapty tolyq paıdalaný 2028 jylǵa josparlanýda. Budan bólek, 2025 jyly syıymdylyǵy 12 myń tonna kartop jáne kókónis saqtaýǵa arnalǵan qoıma qurylysy josparlanǵan. Seriktestik 200 basqa arnalǵan bordaqylaý alańyn saldy. Osy maqsatta shaǵyn qurama jem óndiretin eh jabdyqtaldy.
680 azamatqa jer telimi beriledi
Qazirgi tańda aýdan boıynsha 2783 adam turǵyn úı kezegine tirkelgen.
«Nurly jer» baǵdarlamasy aıasynda 10 shaǵynaýdanda 9 qabatty 198 páterli turǵyn úıdiń qurylysy júzege asýda. Qurylys jumystaryn aǵymdaǵy jyldyń sońyna deıin aıaqtap, kezekte turǵan azamattarǵa «Otbasy banki» arqyly berý kózdelip otyr. Baǵdarlama boıynsha Aqsaı qalasynyń 10 shaǵynaýdanynda 9 qabatty 126 páterli eki turǵyn úıdiń qurylysy jalǵasýda. Turǵyn úı-kommýnaldyq ınfraqurylymdy damytýdyń 2023-2029 jyldarǵa arnalǵan tujyrymdamasy aıasynda aýyldyq eldimekenderge 132 turǵyn úı satyp alý josparlanýda. Aýdan boıynsha 15506 adam jer teliminiń tiziminde tur. Jer kezeginde turǵan azamattar úshin Bórli aýylynda jeke turǵyn úı qurylysyn damytýǵa arnalǵan, sýmen, gazben jáne elektrmenjabdyqtaýdyń ınjenerlik jelilerin salý jobasy iske asyrylýda. Qurylys nysanynyń aıaqtalýy 2025 jyldyń I jartyjyldyǵyna josparlanyp otyr. Qurylys jumystary aıaqtalǵan soń 680 azamatqa jer telimi beriletin bolady.
Sondaı aq, Aqsaı qalasy «Jıloı Massıv-2» PDP-sy 800 jer ýchaskelerin sýmen jabdyqtaý jumystary aıaqtaldy.Endigi kezekte elektr jáne gazben qamtamasyz etý jumystary bıylǵy jyly aıaqtalyp, kezekte turǵan azamattarymyz úshin jer ýchaskelerin úlestiriletin bolady.
– Memleket basshysynyń aldymyzǵa qoıǵan mindetteriniń biri –turǵyndardyń ómir sapasyn jaqsartý jáne oǵan qolaıly jaǵdaı jasaý bolyp tabylady. Bul baǵytta bıylǵy jyly Býmakól jáne Prıýral aýyldarynda elektr jelilerin qaıta jańartýǵa respýblıkalyq bıýdjetten qarajat bólinip, jumystar júrgizilýde. Aqsaıdaǵy elektr jelisiniń tozýyn tómendetý úshin qalanyń ońtústik bóligindegi shaǵynaýdanynda jáne 7-shaǵynaýdan men 4-shi Qurylysshy shaǵyn aýdandar arasyndaǵy elektr jelilerin qaıta jańartý úshin jobalyq smetalyq qujattama jasaqtalyp, memlekettik saraptamanyń oń qorytyndysy alyndy. «BQO Bórli aýdany Aqsý aýyldyq okrýginiń Aqsý jáne Jańaqonys aýyldaryndaǵy elektr jelilerin qaıta jańartý» nysany boıynsha jobalyq smetalyq qujattamasy jasaqtalýda. Saraptamanyń oń qorytyndysyn alý osy aıǵa josparlandy. Qalanyń sý qubyry jelileriniń tozýyna baılanysty jıi apatty jaǵdaılar oryn alyp, turǵyndar úshin qolaısyzdyqtar týdyrýda, – degen aýdan basshysy atalǵan máseleni sheshý maqsatynda Aqsaı qalasynyń 4,5 jáne 10-shy shaǵyn aýdandanyndaǵy sý qubyrlaryn qaıta jańǵyrtý jumystary júrgizilýde ekenin, atalǵan jobalar qazan aıynyń sońynda aıaqtalatynyn jetkizdi.
Káýsar BAIǴALIEVA
