Talǵar aýdanynda 154 sharshy metr aýmaqty quraıtyn balabaqshanyń shatyry men qaıta jóndelip jatqan qabyrǵasy órtke orandy, dep habarlaıdy "Adyrna" ulttyq portaly QR Tótenshe jaǵdaılar mınıstrliginiń baspasóz qyzmetine siltep.
«Búgin Talǵar aýdany Tuzdybastaý aýylynda mektepke deıingi bilim berý mekemesiniń shatyry órtendi. Órt qaıta salynyp jatqan tusyna jaıylyp, jalpy órt aýmaǵy 154 sharshy metrdi qurady», - delingen sársenbidegi habarlamada.
Órt kezinde ǵımaratta tórt adam bolǵan, olar qaýipsiz jerge kóship úlgergen. Órt sóndirýshiler órtti tolyǵymen sóndirdi, zardap shekkender joq.
Órttiń shyǵýyna órt qaýipsizdigi erejelerin buzý sebep bolǵan.
