Almaty oblysynyń Talǵar aýdanyna qarasty Panfılov aýyldyq okrýgi ákimdigi 212 aǵashty kesýge bıýdjetten 6 387 118 teńge qarjy bóldi, dep habarlaıdy "Adyrna" tilshisi satypalu.gov.kz saıtyna silteme jasap.
Talǵar aýdanynyń Panfılov aýyldyq okrýgi ákiminiń apparaty 16 qyrkúıek kúni "Ekpe aǵashtardy sanıtarlyq kesý jumystary" degen taqyryppen tender jarııalaǵan. Memlekettik satyp alýdyń jeńimpazy 23 qyrkúıek kúni anyqtalady. Tehnıkalyq sıpattamada tapsyrys oryndaýshy aýyldyq okrýg aýmaǵyndaǵy qýraǵan apatty aǵashtar men jol belgilerin jaýyp qalǵan butaqtardy butaýǵa mindetteletini, 2024 jyldyń qyrkúıek pen qazan aılarynda 212 aǵashty bıiktigi 8,5 metr bolatyndaı etip birkelki kesip shyǵatyny, qýraǵan apatty butaqtardan tazalap, aǵash qaldyqtaryn arnaıy polıgonǵa aparyp tógetini, tehnıkalyq qaýipsizdikti saqtaý qajettigi, t.b talaptar kórsetilgen. Sondaı-aq, aǵashtardy otamas buryn aýdandyq elektr toraby, telekommýnıkaııa toraby, sý arnasy, jol ınspekııa mekemelerimen kelisim jasaý kerektigi de aıtylǵan.
Tehnıkalyq sıpattamaǵa qaraǵanda jumysty atqarýshy kompanııa 212 aǵashty túp-tamyrymen tutastaı kesip tastamaıdy. Jol belgilerin jaýyp qalǵan butaqtardy butap, qýraǵan aǵashtardy kesip, tym bıiktep ketken terekterdiń ushyn qysqartyp, birqalypqa túsiredi. Iaǵnı, 6 387 118 teńgege bar bolǵany 212 terektiń "qısyq ósken" butaqtaryn butap shyǵady degen sóz. Endi ózińiz eseptep kórińiz, aýyldyq ákimdik bir terekti kesýge bıýdjetten 30 myń teńgeden asa qarjy jumsaǵaly otyr.
Árıne, memlekettik satyp alý shartyna saı baǵanyń budan da sál arzandaýy múmkin ekenin joqqa shyǵarmaımyz. Dese de, bir terektiń qýraǵan butaǵyn kesý úshin bıýdjetten 30 myń teńgeden asa qarjy jumsaý aqylǵa syıa ma? Almaty oblysy —jasyl jelek jamylǵan, tal-teregi jaıqalǵan nýly óńir. Ol óńirdegi ár aǵashtyń qýraǵan butaǵyn 30 myń teńgege butata bersek, halyq qazynasynda qarjy qala ma? Bul suraqtardy tıisti mekemege joldadyq. Olardan jetken jaýapty aldaǵy ýaqytta jarııalaıtyn bolamyz.
Asyl Abaı
"Adyrna" ulttyq portaly
