15 қыркүйек түнгі сағат екіде Алматы-Өскемен тас жолында жантүршігерлік жол апаты болды. Chevrolet Cobalt бар жылдамдығымен ақылы терминалдың бетон қоршауына, содан кейін жақын маңдағы көлікке соғылды, деп хабарлайды “Адырна” ұлттық порталы.
Мәлімет бойынша, Алматы-Өскемен автожолының 25-ші километрінде болған жол-көлік оқиғасында Chevrolet Cobalt автокөлігінің жүргізушісі қаза тапты.
Алматы облысы ПД-нің мәліметінше, Chevrolet Cobalt жүргізушісі трасса бойымен келе жатып, басқаруды жоғалтып, қарсы жолаққа шығып, бетон қоршауға соғылып, кейін Hyundai Sonata-мен соқтығысқан.
"Жол апаты фактісі бойынша қылмыстық іс қозғалды. Болжам бойынша, Chevrolet Cobalt көлігінің жүргізушісі рөлге ие бола алмаған. Тергеу шаралары жүргізіліп жатыр", - деді Алматы облысы полиция департаментінің баспасөз қызметі.
Оқиға орнынан видео әлеуметтік желілерде пайда болды.
