Qazaqstan Respýblıkasy Ulttyq ulany «Ortalyq» óńirlik qolbasshylyǵyna qarasty 5451 áskerı bóliminiń áskerı qyzmetkershileri Astanada ótip jatqan aýqymdy shara kezindegi qyzmet barysynda qyraǵylyq tanytty.
9 qyrkúıek kúni efreıtor Dinmuhammed Saılaý óziniń seriktesteri Azamat Qızatuly jáne Dinmuhammet Ábdiǵamıtpen birge Elorda kóshelerinde qoǵamdyq tártip pen qaýipsizdikti qamtamasyz etýge shyǵady.
Saǵat keshki 20.20 kezinde olarǵa 10 jas shamasyndaǵy bala kelip, kómek suraıdy. Onyń aıtýynsha, mektepten shyqqan soń basqa baǵytqa qaraı júrip, adasyp qalǵan. Áskerı jasaq músheleri birlese áreket etý arqyly, birden balanyń ata-anasyn izdeýge kirisedi. Arada shamamen 15 mınýttaı ýaqyt ótkende, oqýshynyń anasy tabyldy.
Balasymen esen-saý qaýyshqan ana Ulttyq ulan sarbazdaryna alǵysyn bildirdi.
