Belgili qoǵam qaıratkeri, aıtys aqyny Baýyrjan Halıolla Facebook áleýmettik jelisindegi paraqshasynda «Aqıqat túbi aıtylýy tıis» degen jazba jarııalady, dep habarlaıdy «Adyrna» tilshisi.
Aıtysker óz sózinde: «Eger ánurannyń qazirgi mátinine mindetti túrde qosalqy avtor atalýy kerek bolsa, ol Nesipbek Aıtuly bolýy tıis. Óıtkeni burynǵy sózine az-maz ózgeris engizip, búgingi kezeńge laıyqtaǵan Nazarbaev emes Nesaǵań edi. Ony kózi tirisinde ózi talaı aıtqan, aınalasy da biledi!»— deıdi.
Qazirgi ánuranymyz «Meniń Qazaqstanym» ániniń sózin Jumeken Nájimedenov pen ánin Shámshi Qaldaıaqovtar 1956 jyly jazǵan. Sodan beri bul týyndy qazaq halqynyń rýhyn kóteretin ánderdiń biri bolyp keldi. 2006 jyldyń 7 qańtarynda eks-prezıdent Nursultan Nazarbaev Konstıtýııalyq zań kúshi bar Jarlyq shyǵaryp, atalǵan ándi memlekettik rámiz – Ánuran retinde bekitti. Eks-prezıdent án mátinine azdaǵan ózgerister engizip, óz atyn da Memlekettik rámizdiń avtorlyǵyna qosqyzǵan bolatyn.
Asyl Abaı
«Adyrna» ulttyq portaly
