Búgin — Olımpıada chempıony Eldos Smetovtiń týǵan kúni, dep habarlaıdy «Adyrna» tilshisi.
Halyqaralyq dárejedegi sport sheberi 1992 jyldyń 9 qyrkúıeginde Jambyl oblysy Lýgov aýdanyna qarasty Kamenka (qazirgi Jalpaqsaz) aýylynda ómirge kelgen. Ol — Parıj Olımpıadasynyń jeńimpazy, Rıo-de-Janeıroda ótken HHHI jazǵy Olımpıadasynyń kúmis júldegeri, Tokıoda ótken HHHII jazǵy Olımpıadasynyń qola júldegeri.
Sportshy 5 jasynan beri dzıýdomen belsene aralasyp keledi. Ol 1998 jyly 6 jasynda Almatyda ótkizilgen respýblıkalyq týrnırdan óziniń alǵashqy jeńisine ıe boldy. Keıin Eldos Smetov Astanadaǵy jáne Almatydaǵy sport ınternattarynda oqydy.
Qazirgi tańda jeli qoldanýshylary Kóshpendiler oıyndarynyń ashylý saltanatynda birge júrgen Bekbolat Tileýhan men Eldos Smetovtiń vıdeosyn qyzý talqylap jatyr.
«Chempıonnyń qasynda Bekbolat ne istem júr?», «Eldos, durys jol tańdamapsyń», «Satqyn»,—dep jazdy olar.
