Nazarbaev kadrlyq aýys-túıis jasady

3520
Adyrna.kz Telegram

"Nur Otan" partııasynyń tóraǵasy Nursultan Nazarbaevtyń qaýlysymen májilis depýtattary jańa qyzmetke taǵaıyndaldy

 Qazaqstannyń tuńǵysh prezıdenti Nursultan Nazarbaev "Nur Otan" partııasynda kadrlyq aýys-túıis jasady, dep habarlaıdy Sputnik Qazaqstan.

Bul týraly partııa tóraǵasynyń birinshi orynbasary Baýyrjan Baıbek tvıtterde jazdy.

"Nur Otan"partııasynyń lıderi N.Á. Nazarbaevtyń qaýlysymen Omarhan Óksikbaev partııa janyndaǵy sybaılas jemqorlyqqa qarsy is-qımyl jónindegi respýblıkalyq qoǵamdyq keńestiń tóraǵasy, Pavel Kazanev partııalyq baqylaý komıtetiniń tóraǵasy bolyp taǵaıyndaldy", - dep jazdy Baıbek.

Ol partııa frakııasy depýtattarynyń kásibı biliktiligi men tabandylyǵy, memlekettik jáne partııa jumysyndaǵy mol tájirıbesi partııalyq organdardy kúsheıtýge yqpal etetinine senim bildirdi.

Óksikbaev pen Kazanev týraly ne bilemiz?

Omarhan Óksikbaev 1954 jyly 22 jeltoqsanda Almaty oblysy Balqash aýdany Kóktal aýylynda týǵan. Májilis depýtaty, qarjy jáne bıýdjet komıtetiniń múshesi.

Ár jyldary qaýipsizdik keńesi hatshysynyń orynbasary, prezıdent ákimshiliginiń bas baqylaý ınspekııasynyń basshysy, qaýipsizdik keńesiniń hatshysy, respýblıkalyq bıýdjettiń atqarylýyn baqylaý jónindegi esep komıtetiniń tóraǵasy qyzmetin atqardy.

Pavel Kazanev 1960 jyly 22 naýryzda Tomsk qalasynda týǵan. Májilis depýtaty, ekonomıkalyq reforma jáne óńirlik damý komıtetiniń múshesi.

Toqsanynshy jyldary Aqmola qalasy ákiminiń orynbasary bolǵan. Nur Otan partııasynyń elordadaǵy fılıaly tóraǵasynyń orynbasary, Nur Otan partııasy ortalyq apparaty saıası jumystar, uıymdastyrý-saıası jumystar departamentteriniń dırektory qyzmetin atqardy.

 

Pikirler