1929 jyly 3 qyrkúıekte ádebı synshy Sherıazdan Eleýkenov dúnıege kelgen, dep habarlaıdy "Adyrna" ulttyq portaly.
Bıyl - fılologııa ǵylymdarynyń doktory, professor ǵalymnyń 95 jyldyǵy.
Memlekettik syılyqtyń laýreaty Sherıazdan Eleýkenov bir kezdegi Kırov atyndaǵy Qazaq memlekettik ýnıversıtetin 1951 jyly támamdaǵan.
Ádebı qyzmetker «Altaı bolshevıgi» («Rýdnyı Altaı»), «Kommýnızm týy» (qazirgi «Dıdar») gazetteri bóliminiń meńgerýshisi, keıinnen Abaı atyndaǵy QazMÝ-dyń aǵa oqytýshysy, nusqaýshy, sektor meńgerýshisi, Qazaqstan KP OK apparat bólimi meńgerýshisiniń orynbasary, 1971-1986 jj. - Memlekettik baspa komıtetiniń tóraǵasy bolyp qyzmet atqarǵan.
1986-1988 jj. – orys ádebıeti bóliminiń dırektory, 1988-1996 jj. – meńgerýshisi, M. O. Áýezov atyndaǵy Ádebıet jáne óner ınstıtýtynyń aǵa ǵylymı qyzmetkeri, Ál-Farabı atyndaǵy QazUÝ jýrnalıstıka fakýlteti kitaptaný kafedrasynyń professory bolǵan.
Sherıazdan Eleýkenov jazýshy, pýblııst retinde de belgili. Onyń «Emtıhan» («Ekzamen») atty satıralyq pesasy óz kezinde Jambyl jáne Qyzylorda oblystyq teatrlarynda qoıylǵan. Al «At qoıýdyń álegi» sketchi «Tamasha» baǵdarlamasynda kórsetilgen. Sondaı-aq, qalamger birneshe áńgime, ocherk, feleton men esseniń avtory: «On eki bet roman», «Tolyq adam», «Alash azamaty», «Qanyshtyń dombyrasy», «Japonııa: kúngeıi men teriskeıi».
Ádebıet maıtalmany Sherıazdan Eleýkenov 2020 jyly ómirden ótti.
