Ánýar Kúmpekeev Aqmola oblysy ákiminiń keńesshisi bolyp taǵaıyndaldy, dep habarlaıdy «Adyrna» tilshisi.
«29 tamyzda Aqmola oblysynyń ákimi Marat Ahmetjanov oblys ákimdiginiń otyrysynda jańa keńesshi Ánýar Kúmpekeevi tanystyrdy»,—delingen habarlamada.
Ánýar Qaıyrgeldiuly M.V. Lomonosov atyndaǵy Máskeý memlekettik ýnıversıtetin ekonomıka bakalavry mamandyǵy boıynsha bitirgen. 2007 jyly Bredford ýnıversıtetinde, Ulybrıtanııa, ekonomıkalyq saıasat magıstri dárejesin alǵan, «Bolashaq» stıpendııasynyń túlegi.
2019 jyly Kúmpekeev qymbat páter satyp alýǵa baılanysty bıýdjet qarajatyn tıimsiz jáne ysyrap etkeni úshin sógis alǵan edi. Keıin ol Pavlodar qalasynyń ákimi qyzmetinen bosatyldy.
