Qazaqstannyń eńbek sińirgen ártisi Nurlan Ónerbaev Túrkistan oblysynyń «Qurmetti azamaty» atandy, dep habarlaıdy «Adyrna» tilshisi.
Marapat Konstıtýııa kúnine arnalǵan «Aıbary myqty – Ata Zań» is-sharasynda tabystaldy.
29 tamyz kúni «Kongress holl» kópsalaly kesheninde ótken is-sharada óńir basshysy Darhan Satybaldy arnaıy qatysyp, oblys jetistikteri týraly baıandama jasady. Sonymen qatar turǵyndardy merekemen quttyqtady.
«Memleket basshysy Qasym-Jomart Toqaevtyń tikeleı qoldaýymen óńirde aýqymdy jobalar qolǵa alyndy. Osy mańyzdy isterdi atqarýǵa úles qosyp júrgen barshańyzǵa alǵysymdy bildiremin. Oblys turǵyndarynyń 80 paıyzy aýyldy eldi mekenderde turady jáne aýyldy jerlerdi qajetti ınfraqurylymmen qamtý – basty baǵytymyzdyń biri. Elimiz budan ári damýy úshin árbir azamat Ata zańymyzdyń ustanymyn qatań saqtaı otyryp, eńbek ete bilýi tıis. Bul rette, «Eńbek adamy» beınesin nasıhattaý bolashaq urpaq úshin taptyrmas úlgi bolary haq. Ata zańdy ardaq tutqan ónegeli elimiz órkendeı bersin», – dedi ol.
Aıta keteıik, Túrkistan oblysynyń «Qurmetti azamaty» ataǵyn alǵandar qatarynda Túrkistan oblysynyń eks-ákimi Ómirzaq Shókeev, Parlament Májilisiniń depýtaty Qazybek Isa, Qazaqstan musylmandarynyń tuńǵysh bas múftıi Rátbek qajy Nysanbaıuly bar.
