Arystyń balalaryn uryp-soqqan kim? (vıdeo)

12376

Arystaǵy jarylystankeıin jergilikti balalardy demalys-saýyqtyrý lagerlerine jibergen bolatyn. Keıbireýi basqa oblystarda demaldy. Jańa oqý jyly bastalǵansha balalar alańsyz demalsyn, sergisin, jarylys qorqynyshyn umytsyn degen balalar lagerde taıaq jep júrgen kórinedi.

Bul jaıly belgili zańger Aıgúl Orynbek jazdy. Lagerde demalyp jatqan balalardyń ata-analary qoǵam belsendisinen kómek surap habarlasypty.

"Túrkistan oblysyna qarasty Búrgiliktegi "Suńqar" lageri.
Tárbıeshi balalardy teýip, boqtap urýda.
Oblysta qurlys ońyp turǵan joq. Bilim, tárbıe beretin oryndarymyzdyń sıqy mynaý. Arystyń balalary qázir úıleri bitkenshe lagerlerge jiberilgen. Ata-analary balalarymyzdyń demalyp jatyr dep oılap júr aý! Qaıdan bilsin taıaq astynda júrgenin! Al lagerler Stalın kezindegi "Aljır" lagerine uqsap tur. Al balalardyń quqyǵyn qorǵaıtyn obýdsmen Arýjan Saın áý deńiz, mynaý ne masqara?!" dep jazǵan Aıgúl Orynbek.

Ata-analar bolsa polıııa shaqyrǵanmen olar báribir isti jyly jaýyp qoıady dep alańdaýda. Balalardy urǵan tárbıeshi sol lagerdiń bastyǵynyń sińlisi, sondyqtan jabýly qazan jabýly kúıinde qalady deıdi.

"Kelesi jyly balamdy lagerge jazdyryp, jiberemin ba dep otyrsam. Mynadan keıin qaıtip jiberemin" deıdi taǵy bir ashynǵan ana.

[embed]https://www.facebook.com/100007981087790/videos/2415574188718594/[/embed]

Vıdeo feısbýk jelisinen kóshirilip alyndy.

Tıisti oryndardan resmı jaýap kútemiz.

 

"Adyrna" ulttyq portaly

Pikirler