Aqmola oblysy ákimdiginiń baspasóz qyzmetinen atap ótkendeı, Atbasar qalasynda kóktemgi sý tasqynynan zardap shekken 200 adamnyń jáne sý tasqyny qaýpi bar aımaqtaǵy turǵyndardyń kiltteri tapsyryldy. Sý tasqyny saldarynan turǵyn úıi turýǵa jaramsyz dep tanylǵan 127 otbasy úshin páterler qarastyrylǵan. Taǵy 73 otbasy aýdan ortalyǵynyń sý tasqyny qaýpi bar aımaǵynan qonys aýdarady.
Kiltterdi Aqmola oblysynyń ákimi Marat Ahmetjanov tapsyrdy.
«Búgin biz úlken oqıǵanyń kýási boldyq: birden 200 otbasy jańa páter aldy. Búgingi qýanyshty oqıǵa - sý tasqynynan zardap shekkenderge kiltterdi tapsyrý Konstıtýııa kúnin merekeleý qarsańynda ótetini erekshe mańyzdy. Bolashaqta jańa páterlerde tek baqytty oqıǵalar bolsyn», - dep atap ótti óńir basshysy.
Jańa úıler qalanyń qaýipsiz bóliginde ornalasqan. Páterlerdiń ishi árlengen, árqaısysynda santehnıkalyq jabdyqtar men sý jylytqyshtar ornatylǵan. Aýlada balalardyń oıyn jáne vorkaýt-alańdary, fýtbol-basketbol alańy ornalasqan.
Komıssııa sheshimimen kópbalaly ana Juldyz Sádýaqasovanyń turǵyn úıi odan ári turýǵa jaramsyz dep tanyldy. Búgin aýdan ortalyǵynyń turǵyny jańa páterdiń kiltin aldy.
«Sáýir aıynda bir túnde meniń úıim sý astynda qalǵanda, ne isterimdi bilmedik. Memleket basshysyna jáne barlyq memlekettik organdarǵa qıyn jaǵdaıda qoldaý kórsetkeni jáne jedel áreket etkeni úshin rahmet. Qazir meniń qýanyshymda shek joq. Endi meniń balalarym jaıly jaǵdaıda ómir súretin bolady», –dep bólisti J.Sádýaqasova.
Sondaı - aq, baspanaly bolǵandardyń biri - zeınetker Idrıs Baılınde qýanyshymen bólisti.
«2017 jyly eger sý tek baqshaǵa kelse, bıyl úıge keldi. Memleket bizge úıler saldy, biz daıyn jańa úıge kóshtik. Jańa úıde men balalarmen jáne nemerelermen birge turamyn. Balalarǵa jańa oıyn alańy unaıdy», - deıdi zeınetker Idrıs Baılın.
Esterińizge sala keteıik, oblys boıynsha da, aýdan boıynsha da sý tasqyny saldaryn joıý boıynsha jumystar belsendi júrgizildi. Atbasar qalasynda aǵymdaǵy jyldyń kókteminde 375 otbasy sý tasqynynan zardap shekti.
Bıyl páter satyp alý esebinen 38 otbasy qonys aýdardy, búginde eki júz páterdiń kiltteri tabystaldy. Sondaı-aq, jyl sońyna deıin 145 páterlik taǵy eki turǵyn úıdi iske qosý josparlanýda.
Osylaısha, turǵyndardy sý basý aımaǵynan kóshirý máselesi tolyǵymen sheshiletin bolady.
