QR Konstıtýııasy kúni merekesin Alakól aýdany, Bıbaqan aýylynyń turǵyndary qýanyshty jańalyqpen qarsy aldy. Kópten kútken zamanaýı sý qubyry iske qosylyp, aýylǵa taza ári jańa aýyz sý júıesi paıdalanýǵa berildi.
«Sý - tirshilik kózi, jerdiń nári» degen dana halqymyz. Búginde, Memleket basshysynyń 2025 jyly Qazaqstan halqyn 100 paıyz taza aýyz sýmen qamtamasyz etý tapsyrmasyn iske asyrý maqsatynda aýdan boıynsha 56 eldi-mekenniń 48-i aýyz sýmen qamtamasyz etilgen. Bıylǵy jyly Kóktuma, Terekti, Toqjaılaý, Ekpindi aýyldarynda aýyz sý júıesiniń qurylys jumystary bastaldy. Jyl sońyna deıin eldi-mekenderdi aýyz sýmen qamtamasyz etý kórsetkishin 90 paıyzǵa deıin ulǵaıtýdy kózdep otyr.
Aýyz sýdyń aýylda qoljetimdi bolyp, aýlaǵa deıin kirgenine turǵyndar dán rıza. Ony halyqtyń jyly pikiri men alǵysqa toly sózinen baıqaýǵa bolady.
«Buryn sondy aýylymyzda ortalyqtandyrylǵan aýyz sý júıesi múldem bolmaǵan. Sýdy aýlamyzda turǵan tumadan alatynbyz. Baqsha sýaryp, sýdy kóp alsaq taýsylyp qalatyn. Sosyn azdap, únemdep qoldanýǵa májbúr boldyq. Sý azdyǵynan baý-baqshamyz da jaıqalyp óspedi. Bıyl mine aýylǵa taza sý berildi. Sý taza, ári jumsaq. Sýdyń berilý ekpini de qatty. Jaqsy boldy. Osyndaı turmystyq jaǵdaılarymyz túzelip jatsa qandaı jaqsy, - deıdi aýyl turǵyny Qapıza Hamıtova.
Júz elýden astam turǵyny bar Bıbaqan aýylyndaǵy aýyz sý júıesiniń qurylysy jumystaryna respýblıkalyq jáne oblystyq bıýdjetten 245 mln. teńge qarajat bólinip, aýdandyq turǵyn úı kommýnaldyq sharýashylyǵy, jolaýshylar kóligi, avtomobıl joldary jáne turǵyn úı ınspekııasy bóliminiń tapsyrysy negizinde merdiger «Alakól Asyl Qurylys» JShS-gi sapaly aıaqtady. Jalpy uzyndyǵy 6 shaqyrymdy quraıtyn sý júıesiniń bir ereksheligi – tótenshe jaǵdaılardy, órt qaýipsizdigin aldyn-alý maqsatynda 18 tekshe metrdi quraıtyn 6 órt sóndirý rezervýary qarastyrylǵan.
Sapaq aýyldyq okrýgi, Bıbaqan aýylynda 13 abonent ortalyqtandyrylǵan aýyz sý júıesine qosyldy.
