Aqmola oblysynyń dıqandary egin jınaý naýqanyna daıyn. Bıyl óńirde 5,4 mln ga alqapta egin jınaýdy júrgizý josparlanýda.
Aqmola oblysy ákiminiń, aýyl sharýashylyǵy kásiporyndary men jumyldyrylǵan uıymdar basshylarynyń qatysýymen ótken agrokeńeste elimizdiń bas astyq synasyn jınaýdy uıymdastyrylǵan túrde jáne sapaly júrgizýge daıyndyq deńgeıi men salanyń ózekti máseleleri talqylandy.
Kezdesýdi asha otyryp, Marat Ahmetjanov búgingi tańda eń mańyzdy mindet egin jınaýdy tıisti deńgeıde júrgizý ekenin, oǵan oblys pen jalpy el halqynyń azyq-túlik qaýipsizdigi men ál-aýqaty tikeleı baılanysty ekenin atap ótti.
«Bul respýblıkadaǵy tıisti resýrstardy talap etetin eń iri astyq synasy ekenin atap ótkim keledi. Jappaı jınaý bastalǵanǵa deıin barlyq qatysýshylar jınalǵan eginniń sapasy men kólemine áser etýi múmkin kez kelgen kidirister men problemalardy boldyrmaý úshin óz kúshterin jumyldyrýy kerek», - dedi óńir basshysy.
Oblys ákiminiń orynbasary Murat Balpan aýyl sharýashylyǵy qurylymdarynyń egin jınaý naýqanyna daıyndyǵy týraly baıandaı otyryp, aǵymdaǵy jyly tek dándi jáne burshaq dándi daqyldardy jınaýdy 4,7 mln ga alańda júrgizý josparlanǵanyn, egistik alqaptaryn ártaraptandyrý boıynsha jumystar júrgizilgenin, maıly daqyldar alqaby 268,6 myń gektarǵa deıin, jemshóp alqaptary 421 myń gektarǵa deıin ulǵaıtylǵanyn atap ótti.
Aǵymdaǵy jyly egin jınaýǵa barlyǵy 8,9 myń astyq jınaıtyn kombaıny, 2,6 myń jatqa jáne 4,8 myń júk avtomobılderi tartylatyn bolady. Jalpy syıymdylyǵy 4,3 mln tonna bolatyn 65 lıenzııalanǵan astyq qabyldaý kásiporyndary astyq qabyldaıdy. Sonymen qatar aýyl sharýashylyǵy óndirýshilerinde 2,8 mln tonnaǵa astyq qoımalary bar. Egin jınaý jumystaryn júrgizýge 83 myń tonna dızel otynynyń kepildendirilgen kólemi bólindi.
Agro-keńes barysynda «A. Baraev atyndaǵy astyq sharýashylyǵy ǴÓO» JShS basqarma tóraǵasynyń orynbasary strategııa, taktıka jáne egin jınaýdy uıymdastyrý týraly usynystarmen Iýrıı Dolınnyı sóz sóıledi. «Agrofırma Rodına» JShS dırektory Ivan Saýer jáne «LOGOS GREIN» JShS bas dırektory Arman Qudaıbergenov jemshóp daqyldary men maıly daqyldardy ártaraptandyrý tájirıbesimen bólisti. «Agrofırma» TNK» JShS bas agronomy Grıgorıı Sedov sharýashylyqtarynda egin jınaý naýqanyn ótkizý týraly, «Qazgıdromet» RMK Aqmola fılıalynyń dırektory Baqyt Maqajanova egin jınaý naýqanyn ótkizý kezeńindegi agrometeorologııalyq jaǵdaılar týraly baıandady.
Keńesti qorytyndylaı kele, Marat Ahmetjanov úkimetten bólinetin qarajattyń nysanaly maqsaty, egistiktiń 1 ga salyq júktemesin ulǵaıtý jáne tapsyrmalardy oryndaýdy tapsyrdy.
Sonymen qatar, oblys ákiminiń tapsyrmasy boıynsha oblystyq jedel shtab quryldy. Osyndaı shtabtar jergilikti jerlerde de jumys isteıdi. Shtab janynda úılestirý keńesi jumys isteıdi, ol agrarlyq maýsymnyń sońynda jumys nátıjesine baǵalaý júrgizedi jáne kásiporyndar boıynsha úzdik qyzmetkerlerdi aıqyndaıdy.
«Biz aýyl eńbekkerleri - mehanızatorlar men mal ósirýshilerdiń burynǵy dańqyn qaıta jańǵyrtamyz. Biz Qazaqstannyń agroónerkásiptik kesheniniń ortalyǵymyz. Egin oraǵynyń nátıjesi aýyl sharýashylyǵy qyzmetkeri kúnine oraı shyǵarylady», - dep oblys ákimi.
