Saualnama qanşa adamnyŋ AES saludy qoldaitynyn körsettı

Qazaqstan Respublikasynyŋ Prezidentı janyndaǧy Qazaqstannyŋ strategiialyq zertteuler institutynyŋ tapsyrysy boiynşa 2024 jylǧy 7-18 tamyz aralyǧynda telefon arqyly saualnama jürgızıldı. Irıktemelı jiyntyq kölemı 1200 respondenttı qūrady. Saualnamaǧa 17 oblystan jäne respublikalyq maŋyzy bar Astana, Almaty jäne Şymkent qalalarynan 18 jastan asqan respondentter qatysty. Jalpy, saualnamaǧa qatysqandardyŋ köpşılıgı (53,1%) AES salu ideiasyn qoldaidy. AES salu ideiasyn qoldaityndar oǧan ülken ümıt artady, sonyŋ ışınde 2030 jylǧa qarai elektr tapşylyǧy mäselesı şışıledı dep senedı. AES salu ideiasynyŋ qarsylastary (32,5%) negızınen yqtimal apattar men olardyŋ qorşaǧan ortaǧa tigızetın zardaptaryna alaŋdauşylyq tanytady. Sonymen qatar ärbır onynşy respondent (14,4%) öz taŋdauyn älı jasaǧan joq. Sondai-aq, respondentterdıŋ jartysy (51,0%) özderın AES qūrylysyna qatysty referendumda «qoldau» nemese «qarsy» dep dauys beru üşın jetkılıktı aqparat pen bılım deŋgeiıne ie dep sanaidy. Respondentterdıŋ taǧy 12,2%-y tolyq emes aqparatqa ie ekenın moiyndaidy. Saualnamaǧa qatysqandardyŋ 31,6%-y müldem eşqandai aqparatqa ie emes, al 5,2%-yna jauap beru qiynǧa soqty. Saualnama barysynda respondentterdıŋ 42,6%-y AES salu mäselesı boiynşa referendumǧa qatysuǧa tolyqqandy niet bıldırdı. Taǧy 16,4%-y qatysu mümkındıgın aitty. Respondentterdıŋ 25,3%-y referendumǧa qatyspaudy josparlaidy, 8,9%-y şamasy qatyspaidy, al 6,8%-y jauap beruge qinaldy.