Úkimet Qytaıdyń qaryzynan bas tartty: LRT qurylysyna aqsha qaıdan alynady

791

Elorda ákimi LRT qurylysyna qajetti 600 mıllıon dollardy qaıdan tartatynyn aıtty    

Elordadaǵy jeńil relsti kólik qurylysyn aıaqtaýǵa qajet qarajatty "Halyq bank" beretin boldy. Bul týraly búgin Nur-Sultan qalasynyń ákimi Altaı Kólginov aıtty, dep habarlaıdy Sputnik Qazaqstan tilshisi.

"Halyq bankpen 3% mólsherlememen 500 mıllıon dollar jáne "Báıterek" holdıngimen taǵy 100 mıllıon dollar qaryz týraly kelistik. Jumysty bıyl bastaý úshin bul jetkilikti. Jaqyn arada oblıgaııalar shyǵarylady", - dedi Kólginov úkimet kýlýarynda.

Ol úkimettiń Qytaıdyń qaryzynan bas tartyp, osy arqyly 800 mıllıon dollar únemdegenin eske saldy.

"LRT boıynsha barlyq normatıvti-quqyqtyq aktiler úkimettik jáne jergilikti atqarýshy organdar deńgeıinde qabyldandy. Qazir ekinshi deńgeıli banktermen jumys júrgizilip jatyr", - dedi elorda ákimi.

Buǵan deıin Qazaqstan prezıdenti Qasym-Jomart Toqaev Astana LRT jobasyn synǵa alǵan bolatyn. Prezıdenttiń aıtýynsha, joba tıimsiz bolsa, oǵan únemi sýbsıdııa bólip, bıýdjet qarjysyn jumsaýǵa týra keledi.

Bastapqyda LRT jobasynyń quny 1,8 mıllıar dollar bolǵan edi. Qytaıdyń damý bankinen qaryz alǵan jaǵdaıda, úkimet 2,6 mıllıard dollar qaıtarýy tıis bolatyn. Alaıda memleket sheteldik qaryzdan bas tartty.

 

Pikirler