Qasym-Jomart Toqaevtyŋ Qaraǧandy oblysyna jūmys sapary Temırtaudaǧy «Qarmet» metallurgiialyq zauytyn aralaudan bastaldy, dep habarlaidy "Adyrna" ūlttyq portaly Aqordanyŋ baspasöz qyzmetıne sıltep.
"Bız otandyq investordy şaqyru arqyly dūrys şeşım qabyldadyq. Olar bırden ıske kırıstı. Kombinattaǧy jaǧdai būrynǧymen salystyrǧanda aitarlyqtai jaqsarǧan. Bıraq mūnymen şekteluge bolmaidy. Eŋ basty mındet – Qarmet käsıpornynyŋ baiaǧy daŋqyn qaitaryp, äleumettık mäselelerdı şeşuge basa män beru. Būl baǧyttaǧy jūmys bastalyp kettı. Odan habardarmyn. Men kombinatqa jyl saiyn kelıp, onyŋ damu barysymen tanysyp tūramyn", – dedı Qasym-Jomart Toqaev.
«Qarmet» aksionerlık qoǧamy Direktorlar keŋesınıŋ töraǧasy Andrei Lavrentev pen käsıporynnyŋ bas direktory Vadim Basin öndırıstı damytu üşın atqarylǧan jäne jüzege asyrylyp jatqan jobalar jönınde baiandady. Būl maqsatqa 3,5 milliard dollardan astam qarjy qarastyrylǧan. Būdan bölek 500 million dollar şamasynda Kömır departamentındegı jäne 978 million dollar kölemınde Temır rudasy departamentındegı jobalarǧa qosymşa investisiia qūiu josparlanǧan.
"Qabyldanǧan strategiiaǧa säikes käsıporyn 2028 jylǧa qarai jylyna 5 million tonna bolat şyǧarudy, 9 million tonna kömır jäne 5 million tonna temır rudasy konsentratyn öndırudı josparlap otyr. Būl 2023 jylǧy körsetkıştermen salystyrǧanda orta eseppen 66 paiyz ösımdı qamtamasyz etedı" delıngen habarlamada.
Memleket basşysy kombinatty tabiǧi gazǧa köşıru maŋyzdy şeşım ekenın atap öttı. Būl bastapqy kezeŋde qorşaǧan ortaǧa keletın ziiandy 30 paiyzǧa tömendetuge mümkındık beredı. Biyl küzde Temırtau qalasynda ekologiialyq taza kölık türı – tramvai jelısı qalpyna keltırıledı.
Prezident önerkäsıp qauıpsızdıgı, öndırıstıŋ tiımdılıgın arttyru jäne jaŋǧyrtu, aimaqtyŋ ekologiialyq ahualyn jaqsartu baǧytynda jüzege asyrylyp jatqan jobalardyŋ merzımı men joǧary sapa standarttaryn qataŋ saqtau qajet ekenıne basa nazar audaryp, bırqatar naqty tapsyrma berdı.
Ūqsas jaŋalyqtar
