"Lekıma" taıfýnynyń tikeleı ekonomıkalyq zalaly shamamen 2,1 mıllıard dollarǵa baǵalanyp otyr
Qytaıdyń shyǵysynda "Lekıma" sýper taıfýny saldarynan qaza bolǵandardyń sany 43 adamǵa jetti, taǵy 17 adam habar-osharsyz ketti, dep habarlady Qytaıdyń Ortalyq televıdenıesi.
Buǵan deıin 32 adam qaıtys bolyp, 16 adam habar-osharsyz ketkeni týraly habarlanǵan bolatyn.
"Saǵat 12.10-daǵy (Nur-Sultan ýaqytymen 10.10) aqparat boıynsha, Chjezıan provınııasynda "Lekıma" taıfýny saldarynan 38 adam qaıtys bolyp, taǵy 10 adam habar-osharsyz ketti", - dep habarlady telearna.
Qaza tapqandardyń kóbisi Venchjoý qalasynyń Iýnzıa ýeziniń turǵyndary, munda kóshkin ózendi jaýyp qalyp, sý tasqynyna sebep boldy. Tabıǵat apaty bılikti mıllıonnan astam jergilikti turǵyndy evakýaııalaýǵa májbúr etti. Chjezıannyń apat aımaǵynda bes mıllıonnan astam adam bar. 173 myń gektardan astam aýyl sharýashylyǵy alqabyn sý basyp qaldy. Taıfýnnyń tikeleı ekonomıkalyq zalaly shamamen 2,1 mıllıard dollarǵa baǵalanyp otyr.
Jeksenbi kúni keshke taıfýn soqqan Shandýn provınııasynda bes adam opat boldy, taǵy jeteýi habar-osharsyz ketti. Jalpy alǵanda, apat aımaǵynda 1,65 mıllıonnan astam adam bolǵan, bılik 180 myń adamdy evakýaııalady. Apat 175 myń gektar aýyl sharýashylyǵy alqabyn talqandady, 600-den astam ǵımarat qırady.
Taıfýn 10 tamyzda Chjezıan provınııasyndaǵy Venlıng qalalyq ýeziniń jaǵalaýyna jetken bolatyn. Jeldiń maksımaldy ekpini sekýndyna 52 metrge jetti.
"Adyrna" ulttyq portaly
