Jurnalist Tanaköz Tolqynqyzy Feisbuk paraqşasynda äkesınıŋ 100 jylqysynyŋ ūrlanǧanyn aityp, aqparat jariialady, dep habarlaidy “Adyrna” ūlttyq portaly.
Köpşılıkten kömek sūraǧan jurnalist 100 jylqynyŋ qoldy boluyn “ǧasyr qylmysyna” teŋedı.
“Asa ırı kölemde jasalǧan «ǧasyr» qylmysyn äşkereleuge järdem berıŋızder!” - dedı Tanaköz Tolqynqyzy.Odan bölek, ärıptesterıne tyŋ aqparatpen bölısken jurnalist qylmystyq ıske Berıkbol Kärıbaev degen azamattyŋ qatysy boluy mümkın ekenın aitty.
“100 jylqyny asai salǧan Berıkbol Kärıbaev asa ırı kölemdegı mal sanyn joq qylarda kımge sendı, kımge arqa süiedı?-degen sūraq tuady”, - dedı ol.Odan bölek, täuelsız jurnalisttıŋ deregınşe “jūtta qyrylyp qaldy” degen jylqylardyŋ on şaqtysy alystan emes, auyl adamdarynyŋ qorasynan şyqqan körınedı. Ol tıptı joǧalǧan jylqynyŋ kımnıŋ üiınen tabylǧany turaly tızım bar ekenın atap öttı. Auyl adamdary joǧalǧan jylqynyŋ jaiylyp jürgenın körıp, polisiiaǧa habar berıptı. Alaida tärtıp saqşylary jylqynyŋ joǧaluyna qatysty derektı tırkemeptı. Tergeuşıler joǧalǧan maldy tekseruden bas tartyp, qylmysty aşudan qaşqaqtaǧan körınedı. Şielenısken şytyrman mūnymen bıtpegen. Jurnalist jylqy tabylǧan auyl adamdarynyŋ Berıkbol Kärıbaev pen auyldyŋ būrynǧy polisiia qyzmetkerınen joǧalǧan jylqylardy satyp alǧany turaly aqparatty jariia ettı. Al maldy satyp alǧan bes adamnyŋ bıreuı qazır Jaŋaarqa audanynda sotta ısteidı eken. Jylqysyn joǧaltqan körşısınıŋ şyryldaǧanyn estıgen azamat “satyp alǧanmyn” dep maldy qoradan şyǧarmai otyrǧan körınedı. Jurnalist taǧy bır derekpen bölıstı. Kärıbaev - Berıkbol Kärıbaevtyŋ äielı Ǧaliianyŋ sıŋılısınıŋ küieu. Osy adam ıstı tekserıp jatqan Jaŋaarqa audanynyŋ aǧa tergeuşısı eken.
“Bızdıŋ ıstıŋ aq-qarasyn tekseredı dep jürgen sotymyzdyŋ bırı äkemnıŋ jylqysyn qorasynda ūstap otyr. Bırı aǧa tergeuşınıŋ rölınde bajasynyŋ ūrlyǧyn öte «ädılettı» jäne «qara qyldy qaq jaryp» teksergen bolyp jür. Tergeu amaldaryn asa ırı kölemdegı qylmystyq ıstıŋ «ūrlady», «alaiaqtyq jasady» degen küdıkpen jauapqa tartylǧan jylqyşynyŋ tuysqany jürgızgenı qanşalyqty ädılettı jäne şynaiy bolady?” - dedı ol.Al tergeuşılerden qaiyr bolmai otyrǧan körınedı. Sebebı qūzyrly organ dälelderdı de jinamaǧan.
“Menıŋşe, asa ırı kölemdegı qylmys mäselesın köterıp, qoǧamǧa aqparat taratyp, käsıbi mamandyǧymen ainalysyp jatqan jurnalistı emes ūrlyq jasaǧan qylmysker men bızdıŋ malymyzdy qorasy men jailauynda ūstap otyrǧan adamdardy tergeuı, tekseruı kerek dep esepteimın”, - dedı jurnalist.Bır üiır jylqyny oŋai “qylǧytqan” adamdar älı de qamauǧa alynbaǧan. Aşynǧan jurnalist ıstıŋ tolyq zertteluın sūrap otyr.
“Berıkbol Kärıbaevtyŋ artynda kım tūr? 100 jylqyny ol bıreumen bölıstı me? Bıreuge qylmysyn jasyryp-japtyru üşın «auyzbastyryq» berdı me? Joq endı bere me? Osynyŋ bärın anyqtau, qoǧamǧa naqty jäne obektivtı aqparat beru sızderdıŋ enşılerıŋızde, qūrmettı jurnalister men BAQ ökılderı”, - dedı ol.
