Taraz qalasynyń Dostyq úıinde tanymal jýrnalıst Mıhaıl Tenyń Jambyl oblysynyń 80 jyldyǵyna arnalǵan «Sakralnyı Kazahstan. Svıatynı drevnego Taraza» atty kitabynyń tusaýkeseri ótti, dep habarlaıdy adyrna.kz ulttyq portaly Jambyl oblysy ákimi apparaty «Qoǵamdyq kelisim» KMM baspasóz ortalyǵyna silteme jasap.
Tarazdyń tarıhy týraly jazylǵan kitaptyń tusaýkeserin Jambyl oblysy Qazaqstan halqy assambleıasy jáne oblys ákimi apparaty «Qoǵamdyq kelisim» KMM uıymdastyrdy. Taǵylymdy jıyndy oblystyq mádenıet basqarmasynyń ókili Mıhaıl Platov ashyp júrgizip otyrdy. Mıhaıl Platovtyń aıtýynsha, Mıhaıl Tıo respýblıkalyq «Kazahstanskaıa pravda» gazetiniń Jambyl oblysy boıynsha menshikti tilshisi retinde «Rýhanı jańǵyrý» jáne «Uly dalanyń jeti qyry» memlekettik baǵdarlamalaryn iske asyrýǵa óz úlesin qosyp júrgen tanymal tulǵa.
– Basylym oblystyń mádenıet, tarıh jáne arheologııanyń eń tanymal eskertkishteri týraly ǵylymı-kópshilik maqalalar jınaǵy bolyp tabylady. Taraz týraly tamasha týyndy 13 taraýdan turady. Olardyń árqaısysy oblys aýmaǵynda ornalasqan qasıetti jerlerge arnalǵan. Olardyń ishinde barshamyzǵa belgili, qazir Jambyl jerindegi týrıstik tartymdylyǵy joǵarǵy nysandardyń búkilálemdik tizimine engen Aısha-bıbi, Babadjı-hatýn, Qarahan, Tekturmas keseneleri, ejelgi ıslam meshiti, Tórtkúl kerýen-saraıy jáne t.b. bar. Kitapta tek Mıhaıl Tenyń ǵana emes, aımaqtaǵy óz isiniń tanymal sheberleri Iýrıı Kım, Aǵádil Rysmahan, Altynbek Kartabaı jáne Vıktor Barbash jasaǵan kóptegen fotosýretterdi (shamamen 100 sýret) kórýge bolady. Avtordyń kitapqa daıyndaǵan ıllıýstraııalary da keremet. Jınaqtyń muqabasy Aısha bıbi kesenesi jáne Aqyrtas qalashyqtarynyń fotosýretterimen kórkemdelgen, – deıdi ol.
Erekshe formatta, shyǵarmashylyq kesh túrinde ótken tusaýkeser qonaqtardyń qyzyǵýshylyǵyn týdyrmaı qoımady. Onyń ústine Mıhaıl Platov keshtiń júrgizýshisi retinde ǵana emes, sonymen qatar jazýshynyń mektep kezindegi qyzyqty oqıǵalarymen mán-maǵynaly suhbat júzinde de bólisti
Al tól týyndynyń avtory bul kitapty jazamyn dep oılamaǵanyn aıtady. Alaıda ol dostarynyń ótinishin jerge tastamaı, Taraz týraly kitap jazǵanyn maqtanypen jetkizdi.
– Men bul kitabymdy jazam dep oılamap edim. Áriptesterim jáne dos-jarandarym respýblıkalyq «Qazahstanskaıa pravda» gazetinde jarııalanǵan óńirlik kıeli jerler týrasyndaǵy maqalalarymdy kórip, «sen nege osynyń bárin jınaqtap, kitap jazbaısyń?» dep qolqalaǵany bar emes pe?! Ózim de zerdelesem, tarıhı ólke taqyrybynda jazǵan materıaldarym men túsirgen sýretterimniń sany shynymen de 3 jyldan beri birazǵa jetken eken. Osy sebepti de oılanyp-tolǵana kele qoljazbalarymdy jınaqtap kitap etip shyǵarýdy uıǵardym. Mine, sóıtip osy atalmysh tóltýyndym jaryq kórdi. Meniń oıymsha, atalǵan eńbek oqýshylar men stýdentter, tarıh, arheologııa jáne ólketaný taqyrybyna qyzyǵýshylyq tanytatyn barlyq adamdar úshin de paıdaly, – deıdi avtor.
Jıynda «Nur Otan» partııasy oblystyq fılıaly tóraǵasynyń orynbasary Erqanat Manjýov pen oblys ákimi apparatynyń "Qoǵamdyq kelisim" KMM basshysynyń orynbasary Sáýle Qurmanqulova sóz alyp, óz oılaryn ortaǵa saldy. Nurqanat Nurbapaulynyń aıtýynsha, Mıhaıl Borısulynyń tól týyndysy jergilikti turǵyndardyń týǵan ólkesin aralap saıahattaýǵa degen qyzyǵýshylyǵyn oıatady. Sondaı-aq ol atalǵan kitaptyń sheteldik týrıster úshin de tamasha týyndy bolatynyna senimi mol ekendigin jetkizdi.
Kesh aıasynda Mıhaıl Te gıtarmen án aıtyp, ózin jańa qyrynan tanystyrdy. Sondaı-aq avtor óz oqyrmandarynyń ótinishin jerge tastamaı, tyrnaqaldy týyndysyna qoltańba jazyp berdi.
"Adyrna" ulttyq portaly
