Aral teńizi máselesin kóterip júrgen “jańbyr adam” Altaı Aınabek akterden kómek surady, dep habarlaıdy “Adyrna” ulttyq portaly.
Ol ekologııalyq apattan kún saıyn zardap shegip jatqandar jandardyń atynan sóılep, kómek surady.
“Qurmetti Leonardo Dı Kaprıo jáne barsha asyl jandar! Tynys alǵan kezde tuzdyń ay ıisi keletin álemde ómir súrip jatqanyńyzdy elestetip kórińiz. Bir kezderi nár bergen jer qazir tozańǵa aınalǵan. Bul Ortalyq Azııadaǵy mıllıondaǵan adamdar úshin ay shyndyq. Aral teńiziniń qurǵaǵan tabanynan shyqqan tuzdy jel tasyp, alys-jaqyn mańǵa tarap, topyraqty, sýdy, aýany ýlandyryp jatyr”, – deıdi ol.
