Parıj Olımpıadasynda Ózbekstan sportshysynyń jeńisinen keıin bapkerdiń júregi toqtap, esinen tanyp qaldy, dep habarlaıdy "Adyrna" ulttyq portaly.
Qaıǵyly oqıǵa 8 tamyz kúni bolǵan.
Ózbekstan quramasynyń boks boıynsha bas bapkeri Týlkın Kılıchevtiń júregi toqtap qaldy. Bas jattyqtyrýshyǵa Ulybrıtanııa quramasynyń dárigeri Harj Sıngh pen fızıoterapevt Robbı Lıllıs kómekke keldi. Olar defıbrıllıatordy qoldanýǵa májbúr boldy.
"Jattyqtyrýshylar komandasy jylyný aımaǵyna oralǵan, olardyń bári jeńisti toılaı bastaǵanyn bilemin. Alaıda, kóp uzamaı birtúrli jaǵymsyz aıqaı-shý estile bastady. Olardyń dárigerdi kómekke shaqyrǵany baıqaldy. Harj birinshi bolyp kómekke jetti, artynsha men de umtyldym. 30 sekýndtan keıin ózimizben únemi birge alyp júretin jedel járdem sómkesimen jettim", - dedi dáriger Robbı Lıllıs.
Qazir bapkerdiń jaǵdaıy turaqty dep baǵalandy.
Aıta keteıik, 41 jastaǵy Kılıchev 2014 jyldan beri Ózbekstan quramasyn jattyqtyrady.
