Türkıstanda Ärıpbaevtar otbasynda üşem düniege keldı. 27 jastaǧy Roza Ärıpbaeva tūŋǧyş ūlynan keiın ömırge 2 ūl men 1 qyz äkeldı. Būl turaly Türkıstan oblysy Densaulyq saqtau basqarmasy jariialady, dep habarlaidy “Adyrna” ūlttyq portaly.
Bırneşe kün därıgerdıŋ baqylauynda bolǧan säbiler men anasy bügın üige şyǧaryldy. Otbasynyŋ quanyşymen bölısuge kelgen tuystary säbilerdı köru üşın perzenthana maŋyna jinalyp, aqjarma tılekterın bıldırdı.
Üşemder merzımınen būryn, iaǧni jüktılıktıŋ 33-aptasynda düniege kelgen. Olardyŋ bırınıŋ salmaǧy 2 kelı 245 gramm bolsa, ekınşısı − 1 kelı 785, üşınşısınıkı 1 kelı 805 gramǧa jetken. Şeksız quanyşqa kenelgen otaǧasy üşemderge Omar, Usman, Raziia dep at qoidy. Därıgerlerdıŋ aituynşa alǧaşynda närestelerge medisinalyq kömek qajet bolǧan.
«Būl üşemder düniege kelgen kezde jaǧdailary auyr boldy. Apparatta jatty. Tekseru, emdeu, kütıp baptau jūmystary jürgızıldı. Qazırgı taŋda medisina qyzmetkerlerınıŋ kömekterıne bailanysty būl üşemderdıŋ jaǧdailary jaqsy, salmaq qosyp, ana sütın qanaǧattarlyqtai emıp jatyr», - dedı därıger-neonatolog Taugül Baidullaqyzy.
Aita ketsek, Türkıstan oblysynda 6 ai ışınde 25 045 näreste düniege kelgen. Al, jyl basynan berı dünie esıgın aşqan üşemder sany 7-euge jettı. Osy merzım aralyǧynda 311 egız säbi jaryq dünie esıgın aşqan.Ūqsas jaŋalyqtar
