26 shildede Ekologııa jáne tabıǵı resýrstar mınıstrliginde «Ertis ormany» memlekettik orman tabıǵı rezervatynyń laýazymdy tulǵalaryna qatysty is boıynsha usynystar qaraldy. Bul týraly Antıkordyń baspasóz qyzmeti jazdy, dep habarlaıdy «Adyrna» tilshisi.
«Rezervattyń bas dırektory basshylyq etken qylmystyq top aǵashty tehnologııalyq jáne otyn aǵashynyń túrinde zańsyz satý arqyly asa iri mólsherde orman aǵashyn jymqyrdy dep kúdiktelip otyr. Qylmystyq áreket nátıjesinde memleketke 150 mln teńgeden astam somada zalal keltirildi. Qazirgi tańda UQT qatysýshylary qamaýda. Sotqa deıingi tergeý aıaqtaldy. Jumys jalǵasady»,— delingen habarlamada.
Buǵan deıin «Ertis ormany» memlekettik orman tabıǵı rezervaty basshysy Arman Bektemirovtiń para aldy degen kúdikke ilingenin jazǵan edik.
