Aqmola oblysynyń ákimi Marat Ahmetjanov jumys saparynyń aıasynda Qopa kóliniń jaǵasynda Kenesary kóshesinen qan ortalyǵynyń burylysyna deıingi jol qurylysynyń barysymen tanysty.
Búgingi tańda obektide jaramsyz topyraqty ıgerý boıynsha qurylys-montaj jumystary, negizgi jáne tabloıdtyq bólikte qoqys tastan jáne dresvadan jasalǵan jer tóseminiń negizin salý jumystary júrgizilýde. Jaqyn arada asfaltbeton jabynyn ornatý boıynsha jumystardy bastaý josparlanýda.
Sonymen qatar, oblys ákiminiń bastamasymen bıznestiń áleýmettik jaýapkershiligi aıasynda Qopa kóliniń jaǵalaýyn abattandyrýdy júzege asyrý bastaldy. Jobada serýendeý aımaqtary, júgirý joly, konkı parki, fýdkort aımaqtary, kógaldandyrý, workout-aımaqtar, pırs jáne konert ótkizýge arnalǵan sahna qarastyrylǵan. Jumystardy odan ári júrgizý úshin aýmaqty tazartý bastaldy.
Óńir basshysy jaǵajaı aımaǵynyń qalalyq ınfraqurylymdy damytý úshin strategııalyq mańyzy bar ekenin atap ótti.
«Kól jaǵalaýy jyldar boıy qala turǵyndary men qonaqtarynyń basty jáne súıikti demalys orny bolyp qala beredi. Jaǵalaýdyń jaı-kúıi qolaıly ýaqyt ótkizý úshin jaıly bolýy tıis», - dep atap ótti M.Ahmetjanov.
Jobalar «Qazmyrysh» JShS óz qarajaty esebinen júzege asyrylyp jatqanyn atap ótý qajet.
Odan keıin oblys basshysy Temirbekov kóshesi, 2-úı KPTÚ abattandyrý máselesi boıynsha turǵyndarmen kezdesti.
Kókshetaý qalasy ákiminiń orynbasary Dáýlet Júnisovtiń aıtýynsha, búgingi tańda Gagarın kóshesinde káriz kollektoryn tóseý jobasy júzege asyrylýda. Túzetýden keıin Temirbekov kóshesi, 2-úı boıynsha aýlany abattandyrý jáne Ábilqasymov kóshesiniń asfalt jabynyn qalpyna keltirý josparlanýda.
Oblys ákimi qala basshylyǵyna bul máseleni baqylaýǵa alyp, barlyq qajetti jumystardy júrgizýdi tapsyrdy.
