Áleýmettik jelide belgili ánshi Dımash Qudaıbergenniń «Singer 2024» án baıqaýynyń fınaly kezinde aıtqan sózi qyzý talqylanyp jatyr, dep habarlaıdy «Adyrna» tilshisi.
Óner ıesiniń ekinshi kezeńde kanadalyq ánshi Faýzııaǵa sybyrlap sóılegen sózi tikeleı efırde kórermenderge estilip qalǵan.
«Olar seniń aldyńda qytaılyq turýy kerek»,—deıdi Dımash arýǵa.
Baıqaý qorytyndysy boıynsha qytaılyq Na In jeńimpaz atandy. Al kanadalyq ánshi jeńimpazdar qataryna kire almady.
Qazirgi tańda «Singer 2024 kórermenderi baıqaýdyń ádiletsiz ótkenin aıtyp, uıymdastyrýshylardy synǵa alyp jatyr. Olar bas júldeniń kimge buıyrary aldyn ala sheshilip qoıǵan degen pikirdi alǵa tartýda.
1 kún ótken soń Dımash Qudaıbergen weibo paraqshasynda beınejazbaǵa qatysty túsinikteme berdi. Aıtýynsha, Faýzııa birge óner kórsetýge qolqa salǵan. Alaıda uıymdastyrýshylar oǵan qytaı ánshisi bolýy kerek dep aıtqan.
Eske salaıyq, 26 shildede Dımash Qudaıbergen Qytaıda ótken «Singer 2024» jobasynyń fınalynda arnaıy qonaq retinde óner kórsetti. Ol jobanyń aqtyq básekesinde Shante Torreın Mýrmen birge Lose Control ánin shyrqady.
