Májilis spıkeri, «AMANAT» partııasynyń Tóraǵasy Erlan Qoshanov bastaǵan depýtattar toby Qaraǵandy oblysyna keldi. Ol áleýmettik nysandar men kásiporyndardyń jumysymen tanysyp, óńir turǵyndarymen kezdesti. Nysandardy aralaý jumysyna Tótenshe jaǵdaılar mınıstri Shyńǵys Árinov pen oblys ákimi Ermaǵanbet Bólekpaev ta qatysty.
Májilis Tóraǵasy «Qarmet» AQ Kómir departamentindegi jańa dıspetcherlik-saraptamalyq ortalyqtyń jumysymen tanysty. Onda qandaı mindetter atqarylatynyn kompanııanyń quryltaıshysy Andreı Lavrentev pen bas dırektor Vadım Basın kórsetti. Bul nysan óndiristik qaýipsizdikti baqylaýǵa jaýap beredi, onyń ishinde ottegi deńgeıi men metan konentraııasyn ólsheý jumystary da bar. Mamandar shahtalardyń jaǵdaıyn táýlik boıy baqylaıdy jáne kez kelgen qyzmetkermen baılanysqa shyǵa alady.
«Qarmet»-tiń qazaqstandyq kompanııanyń menshigine qaıtarylǵany Qaraǵandy úshin ǵana emes, búkil el úshin mańyzdy oqıǵa bolǵany belgili. Bul Memleket basshysynyń mańyzdy saıası sheshimi boldy. Jańa ınvestor óndiristi keshendi túrde jańǵyrtýǵa mindetti. Bes jyl ishinde kombınat metallýrgııa kóshbasshysy statýsyn qaıtarýy kerek. Bul rette eńbek qaýipsizdigi men ónerkásiptik qaýipsizdikti kúsheıtý qajet. Eń bastysy – bizdiń jumysshylarymyzdyń ómiri men densaýlyǵyn saqtaý. Apattar men jazataıym oqıǵalar bolmaýy kerek», – dedi Erlan Qoshanov.
«AMANAT» Tóraǵasy kásipodaq múshelerimen kezdesý barysynda jumysshylar men shahterlerge memleket tarapynan áleýmettik qoldaýdy kúsheıtý máselelerin talqylady. Parlament depýtattarynyń, «AMANAT» partııasynyń jáne Úkimettiń birlesken kúsh-jigerimen Eńbek gıgıenasy men kásibı aýrýlar ǵylymı ınstıtýty qaıta qurylyp, jumysshyǵa jazataıym oqıǵalar kezinde kináli bolýyna qaramastan tolyq saqtandyrý tólemin qamtamasyz etetin jańa zańdar qabyldandy.
Sondaı-aq kezdesýde eńbek jaǵdaılary zııandy óndiris jumysshylaryna 55 jastan bastap arnaıy áleýmettik tólem alý múmkindigin beretin jańa zańǵa erekshe nazar aýdaryldy. Kómirshiler kásipodaq uıymynyń Tóraǵasy Evgenıı Býslaev jańa múmkindikti «Qarmet» AQ-nyń 800-den astam qyzmetkeri paıdalanǵanyn atap ótti. Búginde búkil el boıynsha tólemderdi 8 myńnan astam adam alýda. Ol bul zańnyń eńbek adamdaryn qoldaýdaǵy memlekettiń naqty qadamy ekenin aıtyp, onyń jedel qabyldanǵany úshin Prezıdentke jáne «AMANAT» partııasyna alǵysyn bildirdi.
Budan bólek, Májilis spıkeri Buqar-Jyraý aýdanyndaǵy Sadovoe jáne Chkalov aýyldaryna baryp, sý tasqynynan keıingi qorǵanys bógetterin qalpyna keltirý jumystarymen tanysty. 2017 jyly osy aýyldardyń aınalasynda jartastan jasalǵan bógetter salyndy. Abyroı bolǵanda, ol bıyl bul eldi mekenderdi sý tasqynynan qorǵap qaldy.
Alaıda aýylda sý tasqyny máselesi sheshilgenimen, jergilikti aqsaqal Saılaýhan Shoshınnińaıtýynsha, turǵyndardyń mal jaıatyn jerleri joq. Óz kezeginde «AMANAT» Tóraǵasy partııalyq «Jer amanaty» komıssııasynyń jumysy týraly aıtty. Joba arqasynda eki jyl ishinde 10,8 mıllıon gektardan astam zańsyz ıemdengen jaıylym jer memleket menshiginine qaıtaryldy. Jeke qosalqy sharýashylyqtarǵa kómek kórsetý úshin Memleket basshysynyń tapsyrmasymen «Jaıylymdar týraly» zań qabyldandy. Bul zań qoǵamdyq jaıylymdar týraly jańa normalardy engizedi, ıaǵnı jaıylymdardy konkýrssyz bólýge, jaıylymdardy basqa aýyl sharýashylyǵy alqaptaryna aınaldyrýǵa tyıym salady jáne bir gektarǵa mal jaıý normatıvin 20-dan 50-ge deıin arttyrady.
Qaraǵandyda Erlan Qoshanov memlekettik jáne servıstik qyzmet kórsetý ortalyǵyna bardy. Onda ótken jyldyń qazan aıynda eldegi alǵashqy áıelderge arnalǵan polıııa ýchaskesi ashyldy. Ol fýnkıonaldy túrde otbasyna kómek kórsetýdiń biryńǵaı ortalyǵyna aınaldy. Bul jerde turmystyq zorlyq-zombylyq qurbandaryna keshendi kómek kórsetiledi. Ortalyqta psıhologtar, zańgerler, sot oryndaýshylary, ıývenaldy polıııa, teologtar, volonterler, medıatorlar, áleýmettik qyzmetkerler jáne basqalar jumys isteıdi. Májilis Tóraǵasy Qaraǵandy oblysynyń tájirıbesin oń baǵalap, mundaı jobany elimizdiń basqa óńirlerinde de engizýdi usyndy.
Dál osy kúni Májilis spıkeri Kúngeı shaǵyn aýdanynda 600 oryndyq mektep qurylysynyń barysymen tanysty. Bilim uıasy «AMANAT» partııasynyń respýblıkalyq saılaýaldy baǵdarlamasyn iske asyrý jónindegi Jol kartasy aıasynda salynyp jatyr. Jergilikti belsendiler qalanyń osy bóliginde mekteptiń joqtyǵy týraly máseleni kópten beri kóterip kelgen. Barlyq jumystardy osy jyldyń sońyna deıin aıaqtaý josparlanyp otyr.
Sondaı-aq Májilis Tóraǵasy Qaraǵandynyń jylý jelilerin jańǵyrtý jumystarymen tanysty. Jańa magıstral jylý qýatynyń tapshylyǵy máselesin sheshedi jáne qalanyń qoldanystaǵy jelilerine túsetin aýyrtpalyqty azaıtady. Bul shahardyń odan ári damýy úshin qajetti qordy qurýǵa múmkindik beredi. Joba 2024 jyldyń kúzine deıin tolyq júzege asyrylady.
Foto: Talǵat Tanybaev, Asylhan Seıdahmet
