"Talgoda" zorlanǵan qazaqstandyq kelinshek qoldaý bildirgenderge alǵys aıtyp, Facebook jelisindegi "NeMolchı.kz" paraqshasynda qazaqstandyqtarǵa úndeý jasady, - dep habarlaıdy Tengrinews.kz tilshisi.
"Jańalyqtardy oqydym, BAQ-tarda kórsetilgen reportajdardy kórdim, sizderdiń kómekterińizben bul qylmystyń halyq arasynda shý shyǵarǵanyn túsindim! Elimizde birde-bir áıeldiń, birde-bir balanyń mundaı zorlyq kórmeýin qalaımyn, olardyń qorǵaıtyn adamdar bar ekenin sezgenin qalaımyn", - delingen jazbada. Zardap shekken kelinshektiń aıtýynsha, ol áli kúnge deıin qaıǵyly jaǵdaıdy umytar emes.
"Ózim kóp oqydym, kóp jumys istedim, birneshe elde boldym, ár eldiń mádenıetin kórip-bilip, óz elime únemi súıispenshilikpen oralatynmyn. Elimde meni qorǵaıtyn adamdardyń bar ekenine senetinmin. Biraq kez kelgen jerde kez kelgen sátte qaıǵyly jaǵdaıdyń qurbany bolýy múmkin eken. Sol túndegi oqıǵadan keıin ómirimde endi sumdyq eshteńe bolýy múmkin emes. Osyǵan baılanysty men, zorlanǵan kelinshek retinde, elimizdiń basshylyǵyna jáne QR Parlamentiniń depýtattaryna seksýaldyq zorlyq jasaǵandarǵa jazany kúsheıtýdi suraımyn. Quqyq qorǵaý organdary qyzmetkerlerinen zorlandarǵa qatysty is boıynsha tergeýdiń júrý proesin baqylaıtyn biryńǵaı algorıtm oılastyrýdy suraımyn", - dep jazdy ol.
"Talgodaǵy" zorlaý isi. Oqıǵa qalaı órbidi? Eske salaıyq, bul oqıǵa 2018 jyldyń qyrkúıeginde bolǵan. Aqtóbelik kelinshek bul oqıǵa jaıly áleýmettik jelide jazyp, artynsha jurtty dúrliktirgen edi. Al bıyl 26 shildede jolserikterge qatysty sot úkimi shyqqan edi. Jetes Úmbetalıev pen Kolqanat Qurmanııazov esimdi jolserikter Qylmystyq kodekstiń 120-baby, 1-bóligi - "Zorlaý" boıynsha aıypty dep tanylyp, eki jyl 6 aıǵa bas bostandyǵynan aıyryldy. Úkimdi sot Orazbaı Satybaldy shyǵarǵan bolatyn. "Talgodaǵy" zorlaý isine qatysty shyqqan sot úkiminiń zańdylyǵy tekseriledi
"Adyrna" ulttyq portaly
