Qostanaı turǵyny Saıda Sısembaeva ánshi Ulanǵasyr Qamıdiń ústinen aryz túsirdi. Bul týraly ol 24 shildede áleýmettik jelidegi paraqshasynda aıtty, dep habarlaıdy «Adyrna» tilshisi.
Áıel óner ıesiniń pikirimen kelispeıtinin málimdedi.
«Qylmystyq kodekstiń 174-babyna sáıkes, e-Otinish arqyly Ishki ister mınıstrligine aryz jazdym. Ánshiniń aıtqan oıy áleýmettik jáne genderlik arazdyqty qozdyryp, áıelderge degen óshpendilik sezimin týdyrdy. Ótinish tirkeldi. Endi qandaı da bir is qozǵala ma, álde ádettegideı resmı jaýap kele me? Ony aldaǵy ýaqytta kóretin bolamyz»,—dedi ol.
Aıta keteıik, buǵan deıin Ulanǵasyr Qamı áleýmettik jelidegi tikeleı efırde áıelin hıdjab kııýge «májbúrleıtinin» málimdegen edi.
