Memlekettik keńesshi Erlan Qarın Nartaı Aralbaıulynyń Youtube kanalyna bergen suhbatynda «Ádiletti Qazaqstandy» qurýdy qamtamasyz etýdegi óńirlerdegi memlekettik qyzmetkerlerdiń eńbegine joǵary baǵa berdi.
«Biz júrgizip jatqan memlekettik saıasattyń negizgi mindeti – Ádiletti Qazaqstandy qurý. Azamattarymyzdy sheshim qabyldaý proesine meılinshe keńinen tartý maqsatynda saıası reformalar jarııalanyp, júzege asyp jatyr. Aýyl ákimderi saılanyp jatyr, aýdan ákimderi saılana bastady, bir mandatty saılaý júıesi engizildi. Bul múmkindiginshe azamattarǵa saıasatqa qoǵamdyq proesterge keńinen aralasýǵa múmkindik berdi. Bir sózben aıtqanda bul reformalar qarapaıym azamattardyń saıası belsendiligin arttyrdy. Alaıda, munyń yńǵaısyz jaǵy da bar. Bılikke jappaı talap qoıyp shyǵatyn azamattardyń arasynda jergilikti jerlerdegi memlekettik qyzmetkerlerdiń jeke basyna tıip, buıryqtar berip, dóreki sóıleıtinder de joq emes» dedi Memlekettik keńesshi.
Ókinishke oraı, búgingi qoǵamda memlekettik qyzmetkerlerge qatysty birjaqty, ádiletsiz pikir qalyptasyp qalǵanyn, sonyń áserimen kóp jaǵdaıda orynsyz kinálaýlar jıi kórinis beretinin atap ótti.
«Keshegi sý tasqyny kezinde kún demeı, tún demeı el azamattarymen birge sý bógetterin ornatyp, qum tasyp, kúrek ustap júrgen aýyl, aýdan ákimdigi apparatynyń qarapaıym qyzmetkerleri. Olardyń da otbasylary bar, úıinde kútip otyrǵan balalary bar. Kúndiz ákimdiktiń jumysymen, keshke evakýaııalyq pýnkte, bóget jumystarynyń basy-qasynda júrdi. Jaǵdaı rettelgenshe úılerine aptalap barmaı júrgen qyzmetkerler boldy. Biz qazir sala ókilderin qurmettep, eńbekterin dáriptep jatamyz. Meniń oıymsha, qarapaıym memlekettik qyzmetkerlerdiń de jumysy laıyqty baǵalanýy kerek dep oılaımyn» dedi Memlekettik keńesshi.
