Everestti baǵyndyrǵan qazaqstandyq alpınıst áıel «Álemniń jeti shyńyna» shyǵý baǵdarlamasy týraly habarlady. Bul týraly Qazaqstan Respýblıkasynyń týrızm jáne sport mınıstri Ermek Marjyqpaevtyń ulttyq-patrıottyq «Kazakh Everest Team» ekspedıııasynyń qatysýshylarymen kezdesý barysynda belgili boldy, dep habarlaıdy “Adyrna” ulttyq portaly ktk.kz saıtyna siltep.
Ekspedıııa quramynda ańyzǵa aınalǵan qazaqstandyq alpınıst Maqsut Jumaev, Everestti baǵyndyrǵan tuńǵysh qazaqstandyq alpınıst áıel Anar Borasheva jáne 2024 jylǵy maýsymda alǵashqy jeti alpınıst qatarynda ǵalamshardyń eń bıik shyńyna kóterilgen Almır Qymbatbaıuly bar.
Kezdesý Qazaqstannyń ulttyq quramasyn 2024 jylǵy XXXIII jazǵy Olımpıada oıyndaryna shyǵaryp salý rásimi aıasynda ótti. Kezdesý barysynda mınıstr ulttyq-patrıottyq «Kazakh Everest Team» ekspedıııasynyń qatysýshylaryn iltıpat bildire otyryp qarsy alyp, Everestke kóterilýimen quttyqtap, alpınızmdi damytýdaǵy úlesteri úshin Qurmet gramotalarymen marapattap, Qazaqstan týymen jańa shyńdardy baǵyndyrýǵa tilektestik bildirdi. Óz kezeginde «Kazakh Everest Team» qatysýshylary mınıstrge Everestke kóterilý týraly baıandap, ózderiniń aldaǵy josparlaryn aıtty.
Anar Borasheva «Álemniń jeti shyńy» baǵdarlamasy týraly aıtyp, onyń ekeýi – Azııadaǵy Everest pen Afrıkadaǵy Kılımandjaro sátti baǵyndyrylǵanyn habarlady. Alpınıstiń aıtýynsha, ol bıylǵy tamyz aıynda Kavkazdaǵy Elbrýs shyńyna (5642 m) shyǵýdy josparlap otyr.
Qalǵan tórt shyńǵa – Argentınadaǵy Akonkagýaǵa (6962 m), Antarktıkadaǵy Vınsonǵa (4892 m), Alıaskadaǵy (AQSh) Denalıge (6194 m) jáne Aýstralııadaǵy Pýnchak-Djaıaǵa (4884 m) qazaqstandyq alpınıst 2025 jyldyń sońyna deıin kóterilýdi josparlap otyr.
Qazaqstannyń ulttyq quramasyn shyǵaryp salý saltanatty rásimi barysynda Everestke shyqqan alǵashqy qazaq alpınısi sportshylarǵa jeńis tilep, ár adamnyń óz Everesti bar ekenin atap ótti.
«Eger alpınıster úshin jetistikterdiń eń bıik núktesi álemdegi eń bıik taý bolsa, sportshylar úshin ol – Olımpıada chempıondyǵy. Bizdiń maqsatymyz eń bıik shyńǵa sátti kóterilý ǵana emes, sonymen qatar jańa chempıondar býynyn shabyttandyrý boldy. Búgin men sizderge jeńis tileımin jáne jaqynda Franııadaǵy Olımpıada oıyndarynda Qazaqstannyń týyn kóretinimizge úmittenemin», - dedi Anar Borasheva.
Everest Development ókili atap ótkendeı, kompanııa óz qyzmetkerleriniń bastamalaryn qoldaýdy odan ári jalǵastyrady, atap aıtqanda, Anar Borashevanyń álemniń jeti shyńyna shyǵý jobasyn qoldaýdy kózdep otyr.
«Biz óz qyzmetkerlerimizdiń armandaryn kez kelgen baǵytta qoldaý qajet dep sanaımyz jáne «Álemniń jeti shyńy» jobasymen biz armandardy júzege asyrýdy jalǵastyramyz», - dedi Everest Development kompanııasy dırektorynyń damý jónindegi orynbasary Suńqar Qarabalın mınıstrmen kezdesý barysynda.
Kezdesý sońynda «Kazakh Everest Team» qatysýshylary Qazaqstan Respýblıkasynyń týrızm jáne sport mınıstri Ermek Marjyqpaevqa estelik muz shapqysh quralyn tabys etti.
