Astana qalasynyń ákimi Jeńis Qasymbek Instagramparaqshasynda jańadan ashylǵan shyǵarmashylyq hab týraly aıtty, dep habarlaıdy elorda ákimdiginiń resmı saıty.
«Elordada alǵashqy iri shyǵarmashylyq hab («Mırnyı dom» turǵyn úı kesheninde ornalasqan) ashyldy. «ÓzgeEpic» habyna biregeı etno-mýzeı men qolóner sheberhanasy kiredi. Munda qonaqtarǵa zamanaýı art-performans, mýzykalyq jáne ádebı keshter úshin transformer zal, sondaı-aq zamanaýı óner galereıasy, teatr alańy jáne ulttyq oıyndardyń smart aımaǵy usynylady. Sondaı-aq, hab aýmaǵynda qazaqstandyq baspalardyń ónimderin satýǵa arnalǵan kitap dúkeni bar.
Memleket basshysy kreatıvti ekonomıka – talantty, shyǵarmashyl adamdardy qyzyqtyratyn iri qalalardyń damýynyń qozǵaýshy kúshi ekenin atap ótti.
Astanadaǵy kreatıvti habtyń maqsaty – básekege qabiletti zamanaýı ónerdi damytý jáne qoǵamnyń mádenı sanasyn arttyrý, sondaı-aq daryndy jáne ıntellektýaldy jastardy qoldaý ári tálimgerlik etý. Hab shyǵarmashylyq naryqqa júzdegen mamandy qosýǵa yqpal etedi», – dep jazdy elorda ákimi.
