"Aqtöbe oblysynyŋ veterinariia basqarmasy" jabaiy it-mysyqtardy aulau maqsatynda "Jabaiy januarlardy aulau boiynşa qyzmetter" atty tender jariialady, dep habarlaidy «Adyrna» ūlttyq portaly satypalu.gov.kz saityna sılteme jasap.
Tenderge ötınımderdı qabyldau 17 şılde künı bastalyp, jeŋımpaz 27 şılde künı anyqtalady. Tehnikalyq sipattamada memlekettık tapsyrysty jüzege asyruşy 2024 jyldyŋ 31 jeltoqsanyna deiın Aqtöbe qalasynyŋ Almaty jäne Astana audandarynan kemınde qarausyz qalǧan qaŋǧybas 8 000 it pen 5 000 mysyqty aulap, uaqytşa ūstau punkıne jetkızuı tiıs ekenı jazylǧan. Iаǧni, bır qaŋǧybas üi januaryn ūstau şamamen 2230 teŋgenı qūraidy.
Jaŋa jylǧa deiın bar bolǧany bes ai uaqyt qaldy. Memlekettık tapsyrysty oryndauşylar bar bolǧany bes ai ışınde Aqtöbe qalasynyŋ Almaty men Astana atty ekı-aq audanynan 8 000 it, 5 000 mysyqty tabuy, ūstauy mümkın be? Aqtöbe qalasynyŋ ekı-aq audanynda 13 000 bas it-mysyq qaŋǧyp jürse, Aqtöbe oblysynyŋ veterinariia basqarmasy būǧan deiın ne qaraǧan? Bes ai ışınde bükıl Aqtöbe oblysy aumaǧynan 13 000 bas it-mysyq aulauǧa bolar, al alaqandai ekı audannan 29 million teŋgege baǧalanǧan tapsyrysty oryndau aqylǧa syia ma? Būl sūraqtardy tiıstı mekemege joldadyq. Jauabyn qosymşa jariialaityn bolamyz.
Aqan Bırlık
«Adyrna» ūlttyq portaly
