"Aqtóbe oblysynyń veterınarııa basqarmasy" jabaıy ıt-mysyqtardy aýlaý maqsatynda "Jabaıy janýarlardy aýlaý boıynsha qyzmetter" atty tender jarııalady, dep habarlaıdy «Adyrna» ulttyq portaly satypalu.gov.kz saıtyna silteme jasap.
Tenderge ótinimderdi qabyldaý 17 shilde kúni bastalyp, jeńimpaz 27 shilde kúni anyqtalady. Tehnıkalyq sıpattamada memlekettik tapsyrysty júzege asyrýshy 2024 jyldyń 31 jeltoqsanyna deıin Aqtóbe qalasynyń Almaty jáne Astana aýdandarynan keminde qaraýsyz qalǵan qańǵybas 8 000 ıt pen 5 000 mysyqty aýlap, ýaqytsha ustaý pýnkine jetkizýi tıis ekeni jazylǵan. Iaǵnı, bir qańǵybas úı janýaryn ustaý shamamen 2230 teńgeni quraıdy.
Jańa jylǵa deıin bar bolǵany bes aı ýaqyt qaldy. Memlekettik tapsyrysty oryndaýshylar bar bolǵany bes aı ishinde Aqtóbe qalasynyń Almaty men Astana atty eki-aq aýdanynan 8 000 ıt, 5 000 mysyqty tabýy, ustaýy múmkin be? Aqtóbe qalasynyń eki-aq aýdanynda 13 000 bas ıt-mysyq qańǵyp júrse, Aqtóbe oblysynyń veterınarııa basqarmasy buǵan deıin ne qaraǵan? Bes aı ishinde búkil Aqtóbe oblysy aýmaǵynan 13 000 bas ıt-mysyq aýlaýǵa bolar, al alaqandaı eki aýdannan 29 mıllıon teńgege baǵalanǵan tapsyrysty oryndaý aqylǵa syıa ma? Bul suraqtardy tıisti mekemege joldadyq. Jaýabyn qosymsha jarııalaıtyn bolamyz.
Aqan Birlik
«Adyrna» ulttyq portaly
