«Slavıan bazary» baıqaýynyń alǵashqy júldesi qazaqstandyq Ernazar Jubanǵa buıyrdy, dep habarlaıdy “Adyrna” ulttyq portaly.
14 shilde kúni ótken «Vıtebsk-2024» XXXIII halyqaralyq estradalyq án oryndaýshylar baıqaýynyń gran-prı júldesi Moldovaǵa buıyrdy. Gran-prıdi moldovalyq Karolına Balan jeńip aldy.
Birinshi oryndy qazaqstandyq Ernazar Juban ıelense, ekinshi oryndy ıtalıandyq Marıam Tankredı men reseılik Ekaterına Kýzına bólisti. Qazylar alqasynyń úshinshi júldege qatysty sheshimi uqsas boldy, ol belarýs Valerıı Chýchman men Bolgarııadan kelgen Nevena Peıkovaǵa berildi.
Baıqaýdyń dıplomanttary Venesýela, Ispanııa, Latvııa, Slovenııa, Túrkııa, Ózbekstan, Horvatııa, Chehııa jáne Ońtústik Afrıka elderiniń ókilderi boldy.
Sondaı-aq, ulttyq taqyrypty úzdik iske asyrǵany jáne joǵary oryndaýshylyq sheberligi úshin Vladımır Mýlıavın atyndaǵy arnaıy syılyqtyń ıegeri Ońtústik Afrıkadan kelgen Temı Mbatha.
Belarýs jáne Reseı Odaǵy parlamenttik Assambleıasynyń arnaıy júldeleri Reseıden kelgen Valerıı Chýchmanǵa jáne Belarýsten kelgen Ekaterına Kýzınaǵa berildi.
Ózbekstan ókili Salıma ulttyq salt-dástúrdi saqtaýdaǵy joǵary sheberligi úshin memleketaralyq «Mır» teleradıokompanııasynyń «Án – dostyqqa jol» arnaıy syılyǵymen marapattaldy.
Belarýs prezıdenti belgilegen «Slavıan úmiti» arnaıy júldesi Latvııadan kelgen Kalerııa syılyqtarynyń jınaǵyna qosyldy, ony premer-mınıstrdiń orynbasary, Festıvaldi uıymdastyrý komıtetiniń tóraǵasy Igor Petrıshenko tabys etti.
Baıqaýdyń ekinshi kúni qatysýshylar «-1» saýndtregine álemdik hıtterdi, birinshisinde Vıtalıı Kýlbakovtyń jetekshiligimen Belarýs Respýblıkasy prezıdenttik orkestriniń súıemeldeýimen slavıan hıtterin oryndady.
Baıqaýǵa Reseı, Moldova, Meksıka, Danııa jáne Bolgarııanyń tanymal ánshileri men prodıýserleri qazylyq etti. Halyqaralyq qazylar alqasyn ánshi, Qazaq KSR halyq ártisi Roza Rymbaeva basqardy. Baıqaý qorytyndysy shildeniń 9-y men 15-i aralyǵynda ótetin «Vıtebsktegi slavıan bazary» XXXIII halyqaralyq óner festıvaliniń jabylý konertinde jarııalandy.